/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Одлично ти оди!

Многу жени, кои за прв пат станале мајки се соочуваат со несигурност и различни емоции: Дали тоа плачење значи дека бебето е гладно? дали го мачат грчеви или пелената му е мокра? Со тек на време мајките ќе почнат да го разбираат плачот на детето, но во почетокот мало охрабрување значи многу: Не грижи се мамичке, се ќе биде во ред. Добро се снаоѓаш и одлично ти оди!

Ќе биде полесно

Со оваа реченица бидете внимателни бидејќи знаете...се работи за хормони. И недостаток на сон. И бебето кое плаче без престан. Кажете и без премногу објаснување дека со тек на време ќе и стане полесно и подобро, нешто како: “Драга, знам дека ти е тешко. И јас поминав низ тоа. Ти навистина добро се снаоѓаш со се, а понатаму ќе биде и полесно.”

Не можеш и не мораш да бидеш совршена

Објаснете и дека совршена мајка не постои. за да биде најдобра мајка на детето само треба да се труди колку повеќе може. Мајчинството е полно со искачувања и падови. Кажете и да не биде премногу критична кон себе и да не се обесхрабрува ако нешто не тргне така како што наумила. Како и за се останато – со вежба се доаѓа до совршенство.

Можам ли некако да ти помогнам?

Повеќето мајки веројатно ќе ја одбијат оваа понуда, но тоа е во ред. Не инсистирајте. Наместо тоа помогнете и да ја крене количката, соберете ги и спакувајте ги играчките ако сте на заедничко кафе, или обидете се да го анимирате бебето кое плаче. Дури и кога мајката ќе одбие, самата понуда може да значи многу. Ако сте и блиска пријателка може да и понудите да поспие, додека вие го чувате бебето, бидејќи верувајте, на некои мајки тоа им значи повеќе од злато.

Бидете вистинска пријателка, бидејќи и таа вас некогаш ќе ви треба да биде тука за вас.

Да се има помош значи многу, посебно на мајките кои штотуку родиле.

Ако ова ви се допадна и ви значеше, споделете го со другите мајки.