/11 /11

Без разлика на тоа колку се стари вашите деца, облекувањето, како и исхраната, секогаш доведува до војна. Најдобар пристап на овој проблем е јасно да ги поставите границите и да одлучите, каде може да попуштите, а каде не. Бидете упорни таму каде што тоа е навистина потребно (на пр. задолжително облекување на хулахопки и капа во зима, гумени чизми на дожд, шеширчиња преку лето...), а на детето оставете му да одлучи за работите со кои може да живее (на пр. карирана маичка и панталони со цветчиња, или шарени патики наместо кафени...). Навикнете се да го прифатите неговиот избор затоа што така заштедувате нерви, и кој знае колку време.

Можеби добро ќе ви дојде некој совет:
- Секоја вечер заедно подготвувајте ја гардеробата која детето утредента ќе ја облече. Така нема да трошите време и нерви наутро.
- Уште при купување внимавајте на тоа што вашето дете сака да облече, а што не. Почитувајте го неговиот вкус и желби и така ќе спречите расправии.
- Секое дете има свое омилено парче на гардероба за кое секогаш се врзува. Ако детето и дење, и ноќе ја носи истата маица, дури и кога е нечиста, или веќе му е мала, побрзајте во продавница и купете му иста таква, и уште една поголема! Победата е гарантирана! Нечистата маица ќе ја замени со чиста, а премалата со поголема.
- Детскиот избор на гардероба кој не е соодветен со времето или приликата (местото), спречете го така што ќе ја одвоите облеката - по годишни времиња, како за во градинка, т.е. за училиште, за посети и за дома.
- Модна катастрофа ќе избегнете ако на детето му купувате гардероба од иста марка, каде што боите и моделите се дополнуваат и така ќе успеете со својата комбинација да го задоволи и вашиот вкус.
- И на крај, на тие проблемчиња гледајте со хумор. Немате врска што ве чека кога ќе влезе во пубертет!