/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Сок од лимон: Ставете на критичните места свежо исцеден сок од лимон. Лимонската киселина им пречи на мравките и кога ќе ја почувствуваат веднаш се оддалечуваат од неа.

Цимет: Нанесете есенцијално масло од цимет во сите агли каде што се појавуваат мравките. Исто така може да направите течност од половина литар вода, две лажички цимет и неколку чешниња лук. Со добиената мешавина испрскајте на местата каде што има мравки.

Вода и детергент за садови: Зовријте еден литар вода и додадете неколку капки детергент за садови. Со оваа течност натопете ги критичните места.

Креда: Во сите земјоделски аптеки може да се набави ефтина креда за мравки. Едноставно повлечете линија и не грижете се, мравките нема да се осмелат да ја преминат.

Сода бикарбона и шеќер во прав: Измешајте еднаква количина на сода бикарбона и шеќер во прав. Ставете ја смесата на место каде се наоѓаат мајмногу мравки. За неколку дена ќе ги уништите сите.

Мелено кафе: Ставете обично мелено кафе на местата каде што излегуваат мравките. Кафето нема да ги уништи, но ќе ги натера да го променат живеалиштето.

Киселина: Можете да ја користите на повеќе начини. Киселина може да ставите директно во жариштето (ако го најдете). Гарантирано ги уништува сите мравки и го спречува нивното појавување. Потоа можете да ги испрскате аглите и малите отвори со комбинација од киселина и детергент за садови. И за крај, во водата со која го чистите подот ставете киселина – куќата ќе блеска и мравките ќе исчезнат.