Фото:Canva/Плодниот период трае неколку дена, а шансите за бременост не се ограничени само на еден ден.

/11 /11

Плодниот период започнува неколку дена претходно, бидејќи сперматозоидите можат да преживеат во женскиот репродуктивен систем неколку дена.

Што е овулација?

Овулацијата е процес при кој зрела јајце клетка се ослободува од јајникот и патува кон јајцеводот, каде што може да биде оплодена.

По овулацијата јајце клетката живее околу 12 до 24 часа. Ако не биде оплодена, таа се распаѓа и започнува подготовката за следниот менструален циклус.  

Кои денови се најплодни?

Најголемите шанси за зачнување се кога е периодот на плоден прозорец. Тој прозорец е во рамките на 5 дена пред овулацијата, денот на самата овулација и најмногу 12 до 24 часа по овулацијата.

Најголема веројатност за бременост има 1 до 2 дена пред овулацијата, како и на самиот ден на овулацијата.

Тоа е затоа што сперматозоидите веќе можат да бидат присутни во јајцеводите кога ќе се ослободи јајце-клетката.

Зошто деновите пред овулацијата се толку важни?

Сперматозоидите можат да преживеат од 3 до 5 дена во поволни услови, додека јајце клетката живее само околу еден ден.

Затоа, сексуален однос неколку дена пред овулацијата често има поголеми шанси за бременост отколку однос по овулацијата.

Како да ја препознаете овулацијата?

Некои знаци кои можат да укажуваат на овулација се:

• проѕирна и растеглива цервикална слуз,
• лесна болка од едната страна на долниот дел од стомакот,
• зголемена сексуална желба,
• мало покачување на базалната телесна температура,
• позитивен овулациски тест.

Дали овулацијата секогаш се случува на 14-тиот ден?

Не секогаш. Овулацијата зависи од: должината на циклусот, возраста, изложеноста на стрес, хормоналниот баланс и секако општата здравствена состојба.

Кај многу жени таа може да се случи порано или подоцна.

Денот на овулацијата е еден од најплодните денови во циклусот, но не е единствениот. Најголемите шанси за забременување се во периодот од неколку дена пред овулацијата и на самиот ден на овулација.

Познавањето на сопствениот циклус и препознавањето на плодните денови може значително да помогне при планирање на бременост.