Бебе 12 месеци

/11 /11

Што можете да очекувате во овој период во однос на растот, развојот и однесувањето.

Когнитивен развој (се однесува на процесот преку кој децата и возрасните учат да мислат, учат, помнат, решаваат проблеми и развиваат интелектуални способности)

• Кај вашето бебе се развива сознанието дека постојат предметите, тоа знае дека работите постојат и кога не ги гледа.
• Почнува да имитира дејства како што се ракување, мавтање со рацете, претворање дека зборува на телефон, танцување итн).
• Почнува логички да размислува, отвора кутии, доаѓа до скриени играчки, мести коцки итн.
• Разбира едноставни инструкции како „дај ми ја топката“ или „не“.

Комуникација и јазик

• Вашето бебе веќе може да каже неколку 1 до 3 едноставни зборови како мама, тато, чао и разбира многу повеќе.
• Често брбори со ритам и интонација што наликува на вистински говор.
• Почнува да го препознава своето име и познати гласови.
• Покажува на предмети што ги сака и одговара со гестови или звуци.

Моторика

• Може да се исправи и да се придржува за мебел.
• Некои бебиња ги прават и своите први самостојни чекори.
• Користи таканаречен пинцетен фат (фат со палец и показалец) за да земе мали предмети.
• Почнува да се храни самостојно со прсти, но пробува да користи и лажичка.

Социјален и емоционален развој

• Бебето на оваа возраст почнува да покажува силна врска со родителите или негувателите.
• Понекогаш може да има страв од разделба или да е срамежливо пред непознати лица.
• Сака и ужива во интерактивни игри, како што се пљескање рачиња, криенка итн.
• Покажува различни емоции , радост, лутина, наклонетост.

Исхрана

• Во овој период вашето бебе од доење преоѓа на формула или кравјо млеко (по препорака на педијатар).
• Почнува да јаде различни меки и здрави намирници, овошје, зеленчук, житарки, итн.
• Учe да пие од чаша или поилче.

Сон

• Бебињата на оваа возраст спијат 11–12 часа ноќе, а може да дремнат и неколку пати во текот на денот.
• Но некои може да одбива дремка поради зголемената самостојност.

Здравје и прегледи

На прегледот за 12 месеци, педијатарот вообичаено:

• Го мери растот(висината), тежината и обемот на главата
• Го следи целосниот телесен и психички развој
• Разговара за вакцинација (МРП, варичела, хепатит А итн.)
• Дава совети за исхрана, спиење, безбедност и дополнителни активности на бебето

Совети за родители

• Секогаш охрабрувајте го вашето бебе да истражува, но претходно обезбедете го домот.
• Читајте книги, зборувајте и пејте секој ден за да го поттикнете развивањето на говорот.
• При одредени активности како на пример во исхраната нудете му избор („сакаш банана или јаболко?“) за да го поттикнете развојот на независност.
• Бидете трпеливи со вашите емотивни испади, бебето ве гледа, апсорбира и на тој начин учи да ги изразува емоциите.

Ако некогаш се грижите за развојот на вашето дете, не двоумете се да се консултирате со педијатар.