Forum Семеен живот: Модни трендови за пролет/лето

Локација:

Форум > [Семеен живот] > Убавина и мода > Модни трендови за пролет/лето

Корисници на оваа тема: никој

Испечати

Страница: [1] 2 3 Следна страница > >>

Корисник

Порака

<< Постара тема Нова тема >>

Модни трендови за пролет/лето
12.1.2010 15:56:11

ripce

Тиркизната боја ќе ја обележи 2010-та

Модните стручњаци ни најавија дека следната 2010-та година ќе биде обоена во тропските нијанси на тиркизот.

Имено, компанијата „Pantone", која произведува бои и ја снабдува модната и декоративната индустрија, тиркизната боја ја прогласи за официјална боја на 2010-та година, а модните креатори комплетно се сложија со неа.

„Тиркизната боја има универзална примамливост. Еве, погледнете во некој предмет обоен во таа боја и веднаш добивате чувство како да сте на одмор", вели Jane Shoenborn од модната куќа „Lili Pulicer".
user posted image

Тиркизната боја означува свежина и нов почеток во новата година. Бидејќи се наоѓа на граница помеѓу зелената и сината, тиркизната боја истовремено делува и смирувачки (сина) и енергично (зелена).

Оваа боја идеално се вклопува во секоја сезона, бидејќи во зимските месеци ја освежува темната гардароба, а на пролет и лето ги дополнува свежите бои во модните комбинации.

Tomi Hilfiger дефинитивно се сложува дека тиркизната боја е бојата на следната сезона, па со неа изобилува и неговата колекција. Како инспирација за оваа колекција послужиле островите на Кариби.

„Жените во мојот живот носат тиркизен накит на одмор и тоа изгледа фантастично добро во комбинација со исончана кожа“, вели Hilfiger.

user posted image

Сепак креторите препорачуваат, иако тиркизната боја кај жените изгледа прекрасно во било која количина, сепак не им се препорачува на мажите. Мажите би било добро да одберат некоја потемна нијанса.

Тиркизната боја е добра и за уредување на домот, односно за деталите кои ќе го освежат просторот.

„Оваа боја е универзална и флексибилна, а добро се комбинира со сива, сина, црна и бела", вели дизајнерот на ентериер Sharlot Mos.

Но освен за домот и облеката, тиркизната боја е одлична и за спортска опрема, накит, лак за нокти, сенки, моливчиња за очи и слично.

Компанијата „Pantone" минатата 2009-та година за боја на годината ја прогласи жолтата мимоза.

user posted image

< Поракaта ја уредил ripce -- 12.1.2010 15:58:24 >

_____________________________

"Кога сте мајка никогаш не сте сами во своите мисли. Мајката секогаш мора да мисли два пати, еднаш за себе и еднаш за своите деца."

Непосредна врска до пораките: 1

RE: Модни трендови за пролет/лето
12.1.2010 16:01:33

Enika

Една од моите омилени бои...топ...сепак несакам толку дречлива ко на сликите ама тиркизнава ми е закон... user posted image

(Одговор на членот ripce)

Непосредна врска до пораките: 2

RE: Модни трендови за пролет/лето
12.1.2010 16:52:50

Матеа

И јас ја обожавам бојава и ќе тркнам деновиве на шопинг нешто да си се подновам

(Одговор на членот Enika)

Непосредна врска до пораките: 3

RE: Модни трендови за пролет/лето
12.1.2010 16:57:35

Bogdancanka

Тиркизна-боја за 2010-та

Модните стручњаци не го губат своето скапоцено време, па веќе ги објавија своите предвидувања за новата 2010-та година. Според нивните очекувања, оваа година ќе биде во знакот на тиркизната боја.

Тиркизната боја лесно се забележува и веднаш асоцира на одмор.

-Таа е навистина интересна боја и посебно е прилагодлива кога одите некаде на одмор, особено на море, изјавува Џејн Шоенборн, еден од водечките светски дизајнери.

Причината поради која експертите ја избираат оваа боја е тоа што 2009-та беше тешка година, па сега луѓето треба да се освежат и развеселат.

-Тиркизната е некаде помеѓу сината и зелената, што ја прави привлечна и спокојна, што е одлика на сината, и жива и весела, што е одлика на зелената боја, тврди Шоенборн.

Бојата на тиркизот е главна инспирација и за познатиот Томи Хилфингер, кого бојата го асоцира на Карибите и на Сен Тропе.

Дизајнерите се согласуваат дека тиркизната боја е омилена за сите оние кои не сакаат да бидат конзервативни и обични, а голема предност на бојата е тоа што истата се согласува со голем спектар на бои од црна до бела.

_____________________________

Човек не мора секогаш да биде херој ама може секогаш да е човек........

(Одговор на членот Матеа)

Непосредна врска до пораките: 4

RE: Модни трендови за пролет/лето
12.1.2010 18:17:04

penelopa

Аууу што убава боја...едвај чекам летоооо user posted image

_____________________________

"When planning for a year, plant corn. When planning for a decade, plant trees. When planning for life, train and educate people."- Kuan Tzu

(Одговор на членот Bogdancanka)

Непосредна врска до пораките: 5

RE: Модни трендови за пролет/лето
11.2.2010 19:33:31

ripce

Чевли за пролет/лето 2010

Што вели неделата на Високата мода во Париз, за чевлите? Штом го прочитавте зборот чевли, веќе сме сигурни дека го заробивме вашето внимание. Високата мода на париската модна недела беше топ тема изминатиов период. Но критиките се уште не може да стивнат. Овој пат ќе се задржиме на чевлите што можеа да се забележат на модните писти... За разлика од комбинациите за кои можете да кажете: „Кај може ова да се носи во јавност!?", за чевлите и овој пат ќе воздивнете и ќе посакате да се најдат во вашиот плакар. Да почнеме со ред:

STEPHANE ROLLAND

Колекцијата на младиот дизајнер, прикажана на модната недела во Париз, беше оценета како драматична. Високите потпетици и овој пат носеа силна порака - идеални за жените што поседуваат неверојатна самодоверба, како поп дивата Rihanna и Cheryl Cole кои често може да се видат во нејзините парчиња.

VALENTINO

На ревијата на Valentino можеа да се забележат многу поинакви чевли од досегашните ревии, критичарите велат дека модната куќа се обидува да привлече нови муштерии. Како и да е, чевлите се навистина уникатни, изработени од флуоресцентни материјали, завиткани околу стапалото како завој.

JEAN PAUL GAULTIER

Веќе ви е познато дека целата колекција, вклучувајќи ги и чевлите, беше инспирирана од филмот Аватар. Може да се забележат каубојски чизми со индијански дезени, а понежните варијанти беа со многу ременчиња и специфични бои како од џунглите.

CHRISTIAN DIOR

Додека колекцијата изобилуваше со раскошни тоалети и модни детали што потсетуваше на опрема за јавање коњи, чевлите беа нежни, изработени од сатен во интензивни бои. Панделките и извртената штикла беа главното обележје на чевлите со отворени прсти, додека чизмите беа со класична бела боја накитени со копчиња.

ALEXIS MABELLE

Тргнувајќи од шминката, облеката, па се до чевлите... главното обележје на колекцијата беше комбинацијата од две бои. Чизмите го глужд најчесто беа во црна боја, додека предниот дел беше упадлив во жолта, виолетова или зелена боја. Потпетиците со отворени прсти беа едноставни, повторно во две бои, но навистина секси.

< Поракaта ја уредил ripce -- 11.2.2010 19:46:01 >

_____________________________

"Кога сте мајка никогаш не сте сами во своите мисли. Мајката секогаш мора да мисли два пати, еднаш за себе и еднаш за своите деца."

(Одговор на членот penelopa)

Непосредна врска до пораките: 6

RE: Модни трендови за пролет/лето
11.2.2010 19:54:42

ripce

Невестински фустани за 2010

Моменталните трендoви за невестински фустан ќе задоволат сечиј вкус. На кратко, се е дозволено! Од балски фустан па се до мини-здолниште, во што и да се појавите ќе ве обвинат дека сте модерни. Карактеристично за овој период е што се оди на модерни додатоци за во коса, а тантелите на фустаните се со карактеристични и живи бои, од јака розова, зелена па се до црна. Но што точно треба да барате во бутиците ако сте зимска невеста оваа или следната година. Еве што велат дизајнерите за модните трендови во 2010:
Секси тенка половина
Ако имате убава фигура или одлична долна облека што ќе ве стегне, фустаните-тесни во половината се очекуваат да доминираат следните неколку сезони.
user posted image

Балски фустан
Балскиот фустан како на Пепелашка, повторно се врати на модната сцена. Добар е од два аспекта, одлично се прилагодува на секое женско тело и не бара раскошна фризура и шминка бидејќи е нападен сам по себе. user posted image

Невестински фустан во стилот на 50-сетите
Не можејќи да се простат од гламурот на 50-сетите, дизајнерите едногласно решија креациите да ги вратат во времето. Карактеристичниот ремен на половината и онака почнавме секојдневно да го носиме, нема зошто да не го ставите и на невестиснкиот фустан.
user posted image

Невестински фустан во сирена-стил
Тесниот фустан од нозете па надолу, повторно е инспирација од 50-сетите. Одличен е бидејќи ја издолжува силуетата и ќе ве направи послаби и повисоки.
user posted image

Невестински фустан со интересна должина
Tea-length невестинскиот фустан се фабулозни за помалку традиционалните свадби. Добро ќе ви дојдат ако имате добри чевли што сакате да ги покажете пред присутните гости.
user posted image

Божествен невестински фустан
Фустаните што почнуваат да паѓаат од под гради не се за секого. Ако не сте доволно висока и тенка, ќе ве направат уште пониска и подебела. Затоа одлично им прилегаат на девојките со мали гради. user posted image

< Поракaта ја уредил ripce -- 11.2.2010 19:56:19 >

_____________________________

"Кога сте мајка никогаш не сте сами во своите мисли. Мајката секогаш мора да мисли два пати, еднаш за себе и еднаш за своите деца."

(Одговор на членот ripce)

Непосредна врска до пораките: 7

RE: Модни трендови за пролет/лето
11.2.2010 23:41:34

Enika

ИЗВОРНА ПОРАКА: Bogdancanka

Тиркизна-боја за 2010-та

Модните стручњаци не го губат своето скапоцено време, па веќе ги објавија своите предвидувања за новата 2010-та година. Според нивните очекувања, оваа година ќе биде во знакот на тиркизната боја.

Тиркизната боја лесно се забележува и веднаш асоцира на одмор.

-Таа е навистина интересна боја и посебно е прилагодлива кога одите некаде на одмор, особено на море, изјавува Џејн Шоенборн, еден од водечките светски дизајнери.

Причината поради која експертите ја избираат оваа боја е тоа што 2009-та беше тешка година, па сега луѓето треба да се освежат и развеселат.

-Тиркизната е некаде помеѓу сината и зелената, што ја прави привлечна и спокојна, што е одлика на сината, и жива и весела, што е одлика на зелената боја, тврди Шоенборн.

Бојата на тиркизот е главна инспирација и за познатиот Томи Хилфингер, кого бојата го асоцира на Карибите и на Сен Тропе.

Дизајнерите се согласуваат дека тиркизната боја е омилена за сите оние кои не сакаат да бидат конзервативни и обични, а голема предност на бојата е тоа што истата се согласува со голем спектар на бои од црна до бела.

Леле и јас едвај го чекам летово...бојава ме асоцира на плажа. сонце, тиркизно море user posted image

(Одговор на членот Bogdancanka)

Непосредна врска до пораките: 8

RE: Модни трендови за пролет/лето
19.2.2010 11:48:18

penelopa

Modni trendovi- Prolet 2010

Неутрални и пастелни бои
За сезоната пролет најактуелни се неутралните и пастелните бои – бледо розова, сина, жолта, крем, беж, златна. Белата е неизбежна. Доколку сакате да внесете повеќе свежа боја во вашата облека, нема да погрешите ако ја изберете портокаловата. Светло розовата или месо боја е апсолутен хит оваа пролет. Експертите дури и ја нарекуваат „новата црна". Иако тешко е дека навистина ќе ја замени црната боја, веројатно е дека ќе биде многу популарна како во пролетните, така и во летните денови. Ако сакате да ги следите трендовите, тогаш не заборавајте да се почестите со сако во месо боја. Одлично можете да го комбинирате и со потемни и со посветли бои. Доколку е направено од понежен материјал, можете да го носите во комбинација со фустан, за елегантен и романтичен изглед. Долна облека во улога на горна Овој тренд е за малку посмелите, а колку ќе го применувате – зависи од вашата храброст. Модните колекции на различни дизајнери за сезоната пролет/лето 2010 ја истакнаа долната облека како дел од целосниот изглед. Доколку не сакате да изгледате премногу разголено, можете да изберете блузи или фустани со детали од тантела или чипка. Во секој случај избегнувајте црно и црвено. Изберете неутрални и пастелни бои – бела, млечно розова, крем. Одгоре покријте се со џемперче со ситна плетка или убаво сако.

Војнички стил

Оваа пролет заборавете на кожните јакни и додајте во вашата гардероба јакна во војнички стил. Војничкиот стил е особено актуелен. Изберете јакна која ќе има женствени детали – интересни копчиња, синџирчиња, дури и кристали. Комбинирајте ја со ултра тесни панталони.

Класичен мантил во крем боја

Класичниот мантил го проби својот пат и до пролетната сезона. Мантилите во златна, крем или песочна боја се задолжителни. Убавото е што оваа сезона актуелни се во различни должини – куси и долги, со или без ракави. Најновиот хит се мантилите-фустани, т.е. фустаните со изглед на мантил, популаризирани од марката Burberry. Ако се решите да го следите овој тренд, купете си потесен мантил и носете го со тенок ремен во контрастна боја.

Во џинс од глава до петици

Фармерките никогаш нема да излезат од мода. Најмодерниот начин да носите џинс оваа пролет е да се облечете во овој материјал од глава до петици. Можете и горе и долу да носите џинс со иста текстура или да направите поинтересна комбинација со различен тип на џинс.

Валкано-златна боја

Збогатете го вашиот изглед со белегзии и обетки во валкано-златна боја. Облеката во гладијаторски стил најдобро се комбинира со метален накит во оваа боја. Не користете накит во блескава златна боја и заборавете на среброто, а насочете се кон бронзата. Нема да погрешите ако за вечерно излегување изберете кратко фустанче во валкано-златна боја. Оваа боја најдобро стои на потемен тен, па ако сте во можност искористете продукти за потемнување на кожата.

Африкански стил

Африканскиот стил присуствуваше во многу колекции за претстојната сезона. Кога велиме африкански, мислиме и на облека во сафари стил и на облека со животински шари (тигарска, леопардска). Бидете внимателни со комбинирањето на шарите и боите. Не користете две шари со нескладни бои или со многу различна големина на шарите.

Сукњи со А-линија

Сега и оние со малку повеќе килограми ќе можат да го следат трендот за кратки сукњи, затоа што оваа пролет се актуелни сукњите со А-линија. Добрата страна на овој тип на сукњи е што го истакнуваат струкот, а го прикриваат салцето на колковите.

Комбинезони

Комбинезоните се вратија на модните писти како дел од колекциите за претстојната сезона. Актуелни ќе бидат во различни варијанти – тесни и широки, од џинс или од поелегантни материјали. Поотворените модели комбинирајте ги со маичка или обична кошула.

Ултра кратки панталони

Модните трендови насочуваат кон повеќе разголување за сезоната што доаѓа. Кратките панталони ги освоија модните подиуми, а сега се вклучуваат и во модата на улица. Особено актуелни се ултра кратките широки панталони. Сè уште доминира високиот струк.

Izvor: femina.mk

< Поракaта ја уредил penelopa -- 19.2.2010 11:50:40 >

_____________________________

"When planning for a year, plant corn. When planning for a decade, plant trees. When planning for life, train and educate people."- Kuan Tzu

(Одговор на членот Enika)

Непосредна врска до пораките: 9

RE: Модни трендови за пролет/лето
9.4.2010 11:34:34

mother 29

Aquilano Rimondi 2010 user posted image

ауууууу ме фркна главата....само, да не е бре толку анорексична и ке беше совршена

(Одговор на членот penelopa)

Непосредна врска до пораките: 10

RE: Модни трендови за пролет/лето
14.4.2010 11:24:20

mother 29

манго

(Одговор на членот mother 29)

Непосредна врска до пораките: 11

RE: Модни трендови за пролет/лето
14.4.2010 15:25:20

BEBICA

E za vakvi sandali i salonki bi ubila. user posted image

Mnoooogu mi se dopagaat.
Ova e najnov trend prolet/leto 2010

_____________________________

Дајте и на жена десет добри совети, таа ќе го следи само еднинаесеттиот - својот.

(Одговор на членот mother 29)

Непосредна врска до пораките: 12

RE: Модни трендови за пролет/лето
14.4.2010 15:29:16

Leonida

Уф јас не можам на висока штикла, дај нешто пониско user posted image

(Одговор на членот BEBICA)

Непосредна врска до пораките: 13

RE: Модни трендови за пролет/лето
14.4.2010 15:31:26

arh_diz

Super se bravo Bebica

_____________________________

Биди тоа што си

(Одговор на членот Leonida)

Непосредна врска до пораките: 14

RE: Модни трендови за пролет/лето
14.4.2010 15:34:04

majka 79

ИЗВОРНА ПОРАКА: Enika

ИЗВОРНА ПОРАКА: Bogdancanka

Тиркизна-боја за 2010-та

Модните стручњаци не го губат своето скапоцено време, па веќе ги објавија своите предвидувања за новата 2010-та година. Според нивните очекувања, оваа година ќе биде во знакот на тиркизната боја.

Тиркизната боја лесно се забележува и веднаш асоцира на одмор.

-Таа е навистина интересна боја и посебно е прилагодлива кога одите некаде на одмор, особено на море, изјавува Џејн Шоенборн, еден од водечките светски дизајнери.

Причината поради која експертите ја избираат оваа боја е тоа што 2009-та беше тешка година, па сега луѓето треба да се освежат и развеселат.

-Тиркизната е некаде помеѓу сината и зелената, што ја прави привлечна и спокојна, што е одлика на сината, и жива и весела, што е одлика на зелената боја, тврди Шоенборн.

Бојата на тиркизот е главна инспирација и за познатиот Томи Хилфингер, кого бојата го асоцира на Карибите и на Сен Тропе.

Дизајнерите се согласуваат дека тиркизната боја е омилена за сите оние кои не сакаат да бидат конзервативни и обични, а голема предност на бојата е тоа што истата се согласува со голем спектар на бои од црна до бела.

Леле и јас едвај го чекам летово...бојава ме асоцира на плажа. сонце, тиркизно море

LELE KOLKU JA SAKAM OVAA BOJAAAAAAAAAAA

(Одговор на членот Enika)

Непосредна врска до пораките: 15

RE: Модни трендови за пролет/лето
14.4.2010 15:35:31

BEBICA

Aj da pobaram

user posted image

Gianni Barbato

Leonida ova e samo nisko. user posted image

_____________________________

Дајте и на жена десет добри совети, таа ќе го следи само еднинаесеттиот - својот.

(Одговор на членот Leonida)

Непосредна врска до пораките: 16

RE: Модни трендови за пролет/лето
14.4.2010 15:37:14

BEBICA

A sto velite da postavam novi trendovi 2010 od MIlano Pariz New York....

_____________________________

Дајте и на жена десет добри совети, таа ќе го следи само еднинаесеттиот - својот.

(Одговор на членот BEBICA)

Непосредна врска до пораките: 17

RE: Модни трендови за пролет/лето
14.4.2010 15:43:41

Leonida

Еве нешто што ми се допаѓа

MenuController.getInstance().bindHandlers($('zoomedInMenu'),{"zoomedInMenu":{"on":"#F7F7F7","off":"#BDBDBD","link":"#000000","border":"#000000"},"btn_decorateimage_menu_in":{"on":"#E3E4E6","off":"#F7F7F7","link":"#000000","border":"#000000"},"btn_share":{"on":"#E3E4E6","off":"#F7F7F7","link":"#000000","border":"#000000"}}); FullViewMenuController.getInstance().bindHandlers($('zoomedInMenu'),'in'); user posted image