Во оваа недела јајце клетката ќе се оплоди и ќе почне нов живот. Јајце клетката најчесто се оплодува во јајцеводот. Иако повеќе сперматозоиди можат да дојдат до јајце клетката, само еден ќе успее да ја оплоди и со тоа да зачне нов живот. Оплодената јајце клетка потоа тргнува на 6 до 8 дневен пат кон матката. Делењето на клетките во оплодената јајце клетка започнува веднаш и продолжува низ целиот пат до матката. Кога јајце клетката убаво ќе се вгнезди во дебелата слузокожа на матката, гледано микроскопски во пречник изнесува од 0,1 до 0,2 милиметри.

Во оплодената јајце клетка се спојуваат хромозоми на таткото и мајката. Така информациите запишани во хромозомите од двајцата родители ги обликуваат хромозомите на ембрионот. Полот на ембрионот е секако определен веднаш при оплодувањето. Секој родител учествува со по 23 хромозоми од кои еден е полов хромозом. Женското има два ХХ хромозоми, а машкото еден Х еден У полов хромозом. Човечкиот ембрион носи 46 хромозоми , под услов развојот да е правилен и да не дошло до неправилности при зачнувањето.

>>  Мама во 3. недела
>>  Тато во 3. недела