Добредојдовте во третото, последно тромесечје. Да, сега е се посериозно. Одбројувањето веќе почна. Но, не брзајте, плодот нека остане во вашето тело уште некоја недела.

Не плашете се, но сепак мораме да кажеме: влегувате во период на брзо добивање на килограми. Понекогаш ќе се чувствувате дека секоја минута сте се потешки. Но, не е така страшно, нели? Добивањето на тежина ќе трае до 33. недела, а подоцна ќе се намали.

Пред повеќе недели (точно во описот на 13. недела од бременоста) пишувавме како добиената тежина во бременоста се распоредува, и по породувањето ќе изгубите многу повеќе од самата тежина на новороденчето.

Само накратко ќе ве потсетиме дека во добиената килажа морате да ја вброите и тежината на матката, плодовата вода, зголеменото количество на крв во телото...

Повторно ве потсетуваме на здравата и урамнотежена исхрана. Тоа сеуште важи, иако понекогаш можете да изедете нешто слатко, само не претерувајте.

Матката е сега прилично голема, па ги притиска внатрешните органи, а најмногу белите дробови. Затоа може понекогаш тешко дишете, бидејќи градите не може целосно да се рашират. И желудникот поради бавното празнење може да реагира. Затоа најчесто после оброк може да добиете киселини кои можете да ги ублажите со таблети. Не се штетни за плодот, а вам многу ќе ви помогнат. Антациди можете да добиете во аптека без рецепт, но сеедно разговарајте и со доктор.

Во оваа фаза на бременоста на вашето тело му треба 300 килокалории повеќе дневно. Дозволете му ги и внимавајте тоа да бидат здрави калории.

>>  Плод во 27. недела
>>  Тато во 27. недела