Додека стомачето весело расте и веќе добро се гледа (се надеваме со гордост го покажувате), плодот сеуште безгрижно плива во својот голем базен исполнет со плодова вода. На крај на второто тромесечје повеќето од плодовите заземаат одредена положба, по правило со главата надолу. Но, некои плодови ќе се наместат во таа положба дури кон крај на бременоста, а приближно 3- 4 % од плодовите остануваат во положба со газето надолу. За ова пишуваме во 36. недела од бременоста. Плодот е долг околу 26 см, а тежок над 300 грама.

Брзото растење на плодот полека се намалува, сега е на ред брзо добивање во тежина.

Од органите, сега расте и зајакнува, пред се срцето. И што е многу интересно, нозете прилично се издолжиле во правилен однос на телото и рацете. Деловите на телото на плодот стануваат се повеќе пропорционални.

>>  Мама во 21. недела
>>  Тато во 21. недела