Фото:Canva/Неплодноста не е ничија вина. Таа е медицинска состојба што бара заеднички пристап и поддршка.

/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Но вистината е дека неплодноста е заеднички предизвик, а причините речиси подеднакво се распределени меѓу жената и мажот.

Според статистиките:

• околу 40% од случаите се поврзани со женски фактор,
• околу 40% со машки фактор,
• околу 20% се комбинирани или необјаснети.

Најчести причини женска неплодност

1. Проблеми со овулација

Најчеста причина. Може да биде резултат на:

• синдром на полицистични јајници (PCOS),
• хормонален дисбаланс,
• нарушена функција на тироидната жлезда.

Без редовна овулација нема ослободување на зрела јајце клетка.

2. Намалена резерва на јајниците

Со возраста, бројот и квалитетот на јајце клетките се намалува, особено по 35тата година.

3. Проблеми со јајцеводите

Запушени или оштетени јајцеводи како и последици од инфекции или операции ја спречуваат средбата на јајце клетката и сперматозоидот.

4. Ендометриоза

Состојба при која ткиво слично на слузницата на матката расте надвор од неа, што може да влијае на овулацијата и имплантацијата.

Најчести причини за машка неплодност

1. Намален број или квалитет на сперматозоиди

Проблемите може да вклучуваат: мал број, слаба подвижност и неправилна форма.

2. Хормонални нарушувања

Недоволно производство на тестостерон или други хормони.

3. Варикоцела

Проширени вени во тестисите кои можат да влијаат на квалитетот на спермата.

4. Животен стил

Пушење, алкохол, прекумерна тежина, хроничен стрес, изложеност на висока температура се причини кои може да предизвикаат неплодност.

Кај кого почесто е застапена неплодноста?

Ниту еден пол не е повиновен или повеќе склон кон неплодност.
Неплодноста е медицинска состојба која бара заедничка дијагностика. Затоа се препорачува и двајцата партнери истовремено да направат испитувања, наместо фокусот да биде само на жената.

Што кога причината за неплодност останува непозната?

Кај 10 до 20% од паровите, сите анализи се уредни. Ова се нарекува необјаснета неплодност, но и покрај тоа, постојат успешни методи на третман.

Женската и машката неплодност се подеднакво чести. Најважно е да се пристапи без вина, без обвинување и со заедничка поддршка. Со современа медицина, рана дијагностика и здрави навики, шансите за успешна бременост значително се зголемуваат.