/11 /11

Тоа е токму она што и се случи на Лидија Ферчајлд од САД кога, бремена со четврто дете, побара финансиска поддршка од Владата за издржување на нејзините деца, по распадот на бракот со нејзиниот сопруг.

Како дел од рутинската процедура, двајцата родители на децата, Лидија Ферчајлд и Џејми Таунсенд, морале да направат ДНК тестирање со цел да се докаже дека се родители на децата, пред Владата да им одобри финансиска помош.

Резултатите биле шокантни! Шокирана била дури и бабицата која три пати ја породила мајката. Децата имале различна ДНК со мајката.

“Јас ги носев девет месеци и јас ги родив! Нема сомнеж во мојот ум дека сум им мајка!”- изјави Ферчајлд  за американската телевизија АБЦ.

Со цел да се отстрани можноста за грешка направена во лабораторијата, направено е уште едно тестирање на ДНК во друга лабораторија. Резултатите биле исти: Таунсенд е татко, а Ферчајлд нема биолошка поврзаност со своите деца.

По тоа следел 16 месечен кошмар во кој Ферчајлд можела да ги изгуби децата кои ги родила, пред да се открие дека е една од 30-те луѓе во светот кои имаат химеризам – состојба во која поединецот носи две различни и одделни насоки на ДНК.

Државата испратила и судски службеник кој присуствувал на раѓањето на нејзиното четврто дете, за веднаш да му се направи тестирање на ДНК. Повторно се открива дека Ферчајлд не е негова мајка, по што таа беше обвинета за сурогатство.

За среќа, оваа несреќна мајка имаше пожртвуван адвокат на нејзина страна. Тој најпрво се сомневаше во нејзината приказна, но одлучи да го истера случајот до крај откако виде колку Ферчајлд е непопустлива во тврдењето дека не направила измама.

На инсистирање на адвокатот, лекарите зеле примероци од ДНК  од целото тело на мајката. Сето тоа било неуспешно се додека мајката не кажала дека имала отстранет тироиден јазол пред неколку години. Еден примерок од тироидното ткиво се чувал во лабораторија и тој бил клучот за решавање на медицинската мистерија. Во него се открила ДНК која била идентична со ДНК на нејзините деца.

Во крвта Лидија Ферчајлд е една личност, но во одделни ткива е друга. Со тоа се потврди дека Ферчајд е една од 30-те лица во светот, со химеризам.

Химера е организам со најмалку две генетски различни типови на клетки. Тоа се случува кога некој првично, во утробата на мајката е близнак, но подоцна станува еден ембрион со што другиот се апсорбира во него. Кај химерите, нивните близнаци живеат микроскопски некаде во внатрешноста на телот, како ДНК. Во суштина двајцата близнаци живеат во едно тело.

Потоа се направило генетско тестирање на мајката на Ферчајлд, чија ДНК покажала врска меѓу неа и нејзините внуци. Подоцна и цервиказниот брис од Ферчајлд покажал ДНК клетки кои ги има и кај нејзините деца.

Тоа беше доказ дека Ферчајлд е навистина химера и дека нејзиниот невидлив близнак живее во нејзините јајници. Токму нејзиниот близнак е биолошка мајка на нејзините деца.

Благодарение на ова истражување случајот Ферчајлд е разрешен и таа конечно може да продолжи нормален живот со своите деца.