/11 /11

Што е дохрана?

Дохрана е воведување на нови продукти во исхраната на доенчето, кои не се мајчино млеко, или адаптирано млеко. За дохрана се смета и преодниот период меѓу исклучиво млечна исхрана, до консумирање на вообичаената храна заедно со останатите членови на семејството.

Кога да се почне со дохрана?

Дохрана се воведува меѓу 4. и 6. месец од животот на бебето, кога прехраната со мајчино, или адаптирано млеко почнува да биде недоволна за задоволување на зголемените нутритивни и енергетски потреби на доенчето.

Не е препорачливо да се воведува дохрана пред 4. месец бидејќи дигестивниот систем на доенчето не е доволно развиен за варење на таква храна. Прераното воведување на дохрана ја зголемува опасноста од алергиски реакции на храна, а може да доведе и до прерано одбивање на мајчиното или адаптираното млеко.

Исто така, ако со дохрана се започне предоцна (по 6. месеци старост), можни се потешкотии и отпор кон прифаќање на нова храна.

Како да знаете дека детето е подготвено за дохрана?

• седи со потпора
• самостојно ја држи главата и ја врти на двете страни
• му се губи рефлексот со кој автоматски ја турка храната од уста
• госта храна која не е течна
• ја отвора устата кога ќе го приближите лажичето
• ја голта храната без плукање
• ја врти главата настрана кога не е гладно
• покажува голем интерес за храна

Правила на дохрана

1. Воведувајте нова храна една по една, за детето да се навикне на новиот вкус.
2. Направете растојание од една седмица помеѓу воведувањето на нова цврста храна за да бидете во можност да го утврдите причинителот на можна алергиска реакција.
3. Кај доенчиња кои веќе покажале алергиска реакција, или чии родители се алергични на храна, дохраната мора да биде по бавна и по внимателна.
4. Во почетокот дајте му на бебето многу мала количина (1-4 лажици) и полека зголемувајте ја количината.
5. Во храната за доенчето не ставајте сол, шеќер и други зачини.
6. Кашичките се даваат со лажица, а течностите со шишенце.
7. Штетно е земањето на засладени сокови, особено пред спиење. Природно исцеден свеж сок се дава во мали количини по оброкот.

Многу среќа и трпение при воведувањето на нова храна!