/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Жените се многу почесто зависни од Facebook, бидејќи се подруштвени по природа. Социјалната мрежа најчесто привлекува помлади луѓе, открива студијата на норвешкиот Универзитет Берген. Амбициозните поединци поретко ќе развијат зависност, бидејќи социјалните мрежи ги гледаат низ призмата на извлекување некаква корист, односно изнајдуваат начини како преку нив да го добијат она што го сакаат.

- Зависниците од Facebook најчесто се срамежливи и анксиозни луѓе бидејќи ним им е полесно да комуницираат со другите во виртуелниот свет, отколку во стварноста.

За некои, посетата на социјалната мрежа Facebook е безопасна релаксација и разонода, медиум за допишување и алатка за ѕиркање во туѓите животи, но се' повеќе постојат луѓе кои стануваат вистински зависници, тврдат психолозите.

Бергенов тест за зависност

На секоја од шесте изјави кои следуваат изберете одговор кој најдобро Ве опишува. Пребројте:

• 1 поен за одговор – многу ретко
• 2 поени за одговор – ретко
• 3 поени за одговор – понекогаш
• 4 поени за одговор – често и
• 5 поени за одговор – многу често

Прашања:

• Поминувате многу време размислувајќи за Facebook или го планирате неговото користење.
• Чувствувате потреба се почесто да користите Facebook.
• Користите Facebook за помалку да размислувате за сопствените проблеми.
• Се обидовте да намалите со користењето на Facebook, но безуспешно.
• Вознемирени сте доколку не можете да пристапите на Facebook подолго време.
• Престојот на Facebook е толку долг што тоа влијае на Вашето учење или работа.

Толкување на резултатите

Ако имате 20 поени – размислете дали Facebook Ви е толку потребен, бидејќи сте на добар пат да станете зависни од оваа социјална мрежа. Сите со 25 поени и повеќе се зависници од Facebook и треба да размислат кои лични проблеми и размислувања ги наведуваат на таа зависност, за да можат да се ослободат од неа.