/11 /11

Нозете и вратот, делот зад увото и косата, се најчести места на кои се кријат крлежите. Чувствителните места треба да се заштитат со средства кои ги одбиваат инсектите. Но, проблемот е во тоа што крлежот е снаодлив, па умее да најде места кои не се намачкани.

Што можат родителите да преземат?

Најдобро е да го однесете детето во амбуланта, каде убаво и брзо, со стерилни инструменти, ќе го отстранат крлежот.

Крлежот не треба да се вади на лице место со игли и други прирачни “алати”, а не треба ниту да го откорнувате со раце, бидејќи неговата глава ќе остане во внатрешноста на кожата. Може да се обидете да ставите коцка мраз на крлежот неколку минути, за да се умртви. Потоа можете да го извлечете.

Терапија

Детето на кое ќе му се закачи крлеж мора да биде на антибиотска терапија за да се спречи појава на лајмска болест (воспаление на мозокот). Секој трет ктлеж во градот во себе го носи предизвикувачот на оваа болест. Лекарот треба да ја одреди дозата и должината на терапијата.

Совети

Крлежите не пренесуваат само лајмска болест, туку и менингитис и менингоенцефалитис. Доколку крлежот се закачил за дел од телото, не смее да се премачкува со никакви средства, ниту да се гмечи или кине, туку внимателно да се извади. Стручниот надзор при каснување од крлеж трае еден месец. Доколку во тоа време се појави црвенило во облик на круг, значи дека се појавила инфекција.