Без разлика колку бременоста е уредна и имате совршен план за породување, секогаш може да се случи да завршите во операциона сала на царски рез. 

Вашиот гинеколог мора да ви нагласи да ги оставите ноктите природни и без лак непосредно пред очекуваниот термин. 

Колку и да ви звучи чудно или смешно, постои голема причина зошто е тоа така: 

Секогаш кога сте подложени на било каков вид на операција, а царскиот рез е токму тоа - операција, и сте изложени на анестезија, ноктите не смеат да бидат обоени. Ова е затоа што за време на операцијата лекарите следат витални знаци како што се вашиот ритам на срцето, крвниот притисок и количината на кислород во крвта. За ова, се става сензор на врвот на прстот, кој ги мери нивоата на кислород во крвта со минување на црвено светло низ ноктите на прстите. Ова се прави преку уред што е познат како пулсен оксиметар, кој помага во следење на оксигенацијата на хемоглобинот на пациентот.

Мора да се спомене дека ноктот е најдоброто место за откривање на цијаноза (промена на бојата на кожата) поради ниските нивоа на кислород. Оксиметарот работи со осветлување на светлината низ ноктот на прстот и мерење колку светлина се апсорбира. Колку повеќе светлината се апсорбира, толку повеќе е нивото на кислород во крвта.

Во случај во текот на зафатот да дојде до компликации, бојата на ноктите е првото што ќе покаже дека нешто не е во ред. Во случај на пад на нивото на кислород, проблеми со срцето и другите витални органи, бојата на ноктите се менува, а тоа може да се види само ако не се налакирани. 

Покрај ова, многу лекари, исто така, не дозволуваат носење шминка за време на породување, од причина што следењето на промената на бојата на кожата на пациентот е клучна за следење за општата состојба за време на операцијата. 

Доколку носите акрилни нокти, отстранете ги навремено, а лскорањето оставете го за после породувањето.