/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Лесли Браун, британка која се обидувала да остане бремена полни девет години и која прва во светот зачна со ин витро оплодување, почина во кралската болница во Бристол.

Освен првото дете, родено со вештачко оплодување Луиз и Натали е родена на ист начин. Лесли исто така имала и ќерка од првиот брак на нејзиниот сопруг Шерон и пет внучиња.

Госпоѓа Браун страдала од блокада на Фалопиевите туби што значи дека природното зачнување во нејзиниот случај било неможно. Тогаш, во 1976. година слушнала за новото истражување и се пријавила за учество, очајнички обидувајќи се да забремени.

Иако процедурата за оплодување на јајце клетки е спроведена кај уште неколку жени, Браунова прва забременила по третманот. Бидејќи нејзиниот случај привлекол големо внимание и медиумите ја следеле на секој чекор, лекарите, а и нејзиното семејство, се плашеле дека од стрес ќе го изгуби бебето.

Таа имала разни методи на криење од медиумите, па повеќе пати се преоблекувала како чистачка во болницата Oldham, каде ја контролирала бременоста.

Професорот Роберт Едвардс кој ја извршил оваа процедура за прв пат, дoби Нобелова награда за медiцина во 2010. година за техниката која е опишана како “камен темелник на модерната медицина”.

Иако ин витро оплодувањето е едно од најголемите достигнувања во минатиот век, денес веќе стана рутинска процедура.