|      
Сакаш да се откажеш?
Пред да ја потврдиш својата одлука, запознај се со последиците од таа одлука.
Доколку го потврдиш своето откажување, на твојот комјутер ќе наместиме cookie, кој ќе ни овозможи, во текот на натпреварот (14.03 - 18.03.2016) при посета на порталот да те препознаеме и да овозможиме слободно користење на порталот, без прикажување сликички, односно контролор на играта од десна страна на екранот.

Истовремено ќе бидат одземени сите собрани поени. За жал, со откажувањето, губиш и право на награди.

Дали се уште сакаш да се откажеш?
Рингераја.мк користи "колачиња" за обезбедување подобро корисничко искуство, следење на посетеноста и приказ на огласи. Поставките за прифаќање на колачињата ги прилагодувате во вашиот пребарувач.
Со продолжување на користењето на сајтот се смета дека се согласувате со користење на колачињата за наведените цели. За продолжување кликнете “Во ред”.   Дознајте повеќе.

Поддржуваме мали бизниси: Плетени куклички

Марина Кљајиќ Петковски, 7.4.2022
Ирена Трпеска е 41 годишна Скопјанка, мајка на две деца, Илина и Андреј. Веќе 5 години се занимава со едно многу интересно хоби - изработка на плетени кукли и играчки во јапонска техника наречена амигуруми

image
/11


Нејзините изработки може да ги погледнете на нејзините профили на социјалните мрежи.

Рингераја: Од кога се занимавате со плетени рачни изработки?

Ирена: Откако паметам за себе, уште од  детството секогаш се занимавав со некој вид на уметност, си ја изразував креативноста преку цртање, сликање, моделирање. Подоцна откако се реализирав во улогата на мајка, ми се сменија приоритетите, навиките и рутината па немав услови со мало дете да продолжам да сликам. Барав нешто ново што би можела да го работам во било кое време и место. Почнав да изработувам накит и тогаш си отворив профил на pinterest. Таму за првпат се сретнав со плетените кукли, се вљубив во нив и целосно заборавив на накитот. Долго време им се воодушевував се’ додека еден ден не решив дека мора да научам да плетам. Мојата свекрва ми даде конци и игла со кукачка- чингелајче и со помош на туторијали на интернет ги научив основите на плетење..

 

1

Рингераја: Вашите изработки се впечатливи и уникатни - станува збор за плетени куклички кои се идентична копија на ликот според кој се изработени. 

Како се роди оваа идеја? Која беше првата кукличка која ја изработивте ?

Ирена: Ми требаше долго време, повеќе од една година, додека се почувствував сигурна дека ќе можам да изработам нешто во амигуруми техника. Претходно плетев се и сешто- капи, шалчиња, фустанчиња.. со тоа ја извежбав раката, научив некои основни и многу важни работи што потоа ми користеа во плетењето кукли. За ваквиот вид изработки покрај вешти раце треба да се има многу креативност, чувство за пропорции, за естетика, бои но и многу имагинациjа и импровизација. Првите изработки беа за моите деца, за подароци, родендени и потоа некако спонтано почнав да изработувам и за сите оние што се воодушевуваат на рачни работи и сакаат да имаат персонализирана и уникатна кукла.

 

 

 

Рингераја: Секојдневно ширите радост. На какви сe реакции од клиентите сведочите? Како вие се чувствувате кога им врачувате производ?

Ирена: Убавината на овие куклички е што може да бидат целосно изработени по желба на некое детенце, во омилените бои, со додатоци, палтенца, капчиња, фустанчиња, миленичиња.. Дел од нив се и плетени по слика и со намера да зачуваат некој посебен спомен или момент од детството. Таквите куклички се twin dolls и при нивната изработка посебно се трудам да наликуваат колку што може повеќе на сликата што ми е пратена, па во тој случај доколку е потребно користам и додатоци како тул, чипка, бисери, филц или пак текстилни бои за да обојам некое парче облека.. Реакциите што ги добивам од дечињата а и од мајките и бабите што порачуваат секогаш се микс од воодушевување, неверување, радост.. неколку пати досега имам добиено и видеа со првите реакции и секогаш многу емотивно ги доживувам и јас а и сите останати дома.

Рингераја: Какви материјали користите?

Ирена: Куклите ги плетам исклучиво со памучни конци, посебно основата односно телото, додека за изработка на облеката понекогаш користам и волнени и акрилни конци, доколку нема памучен од конкретната боја што ми треба. За изработка на било каква играчка во оваа амигуруми техника многу е важно плетивото да е стегнато и цврсто, без дупки, за да не излегува силиконскиот полнеж со кој ги полнам куклите. Плетењето на гардеробата за куклата ми е најинтересниот дел, сите делови ги плетам по мерка на куклата и секогаш се трудам со помош на копчиња да им олеснам на малите детски рачиња да можат полесно да ги преслекуваат своите нови другарки.

 

2

Рингераја: Имате ли некоја кукличка која ви е посебна? 

Ирена: Процесот на изработка на кукла е спор, обично ми требаат околу 5 дена за изработка на една кукла, самото плетење оди бавно и заморува па не можам да плетам повеќе од 5-6 часа во денот. Но целиот процес на создавање на кукла е волшебен, прекрасно е чувството кога гледате како од купче конци пред вашите очи се создава убавина која ќе донесе некому радост. Поради тоа не можам да издвојам некоја изработка како најдрага, сите ги работам со исто внимание и ентузијазам но со текот на времето и на самите изработки се забележува напредок па поновите изработки се поубави од тие пред 2-3 години.. тоа е сосем нормално и очекувано, јас со секоја изработка учам нешто ново и се подобрувам а во тоа е и убавината на амигуруми, секогаш има простор за усовршување.

 

3

Рингераја: Дали покрај куклички изработувате и други производи?

Ирена: Куклите остануваат како моја најголема љубов и после сите години, понекогаш знам и да скршнам од патот и да изработам за мене или моите деца некој плетен додаток, но куклите се секогаш приоритет. Постои некој стереотип за плетењето дека само постарите односно бабите плетат, но во мојот случај се покажа како одличен начин да ја покажам и материјализирам целата креативност што ја носам во мене. Поради тоа и поради фактот дека има многу смирувачко, терапевстко дејство го препорачувам секогаш и секаде.

Ти се допаѓа статијата? Кликни “Like” и додај свој коментар:

Се ожени најпосакуваниот ерген Дејан Лилиќ!
Сакаш ли да ти бидам маж? - и поставил прашање Дејан Лилиќ на својата девојка Љубица. ДА - одговорила таа. Девојки, Деја...
4
Интервју со Бени Шаќири: Редовно менувам п...
Бени Шакири помалку спие, но вистински ужива во улогата на татко, која ја има веќе еден месец. Во ова интервју, тој откр...
4
На кафе кај Соња Смилевска
Дека никогаш не е доцна за остварување на соништата, пример е Соња Смилевска, која во своите пензионерски денови напиша ...
4
6 совети за убавина за време на бременоста
За време на бременоста, телото претрпува многу промени. Ова секогаш влијае на кожата, што бара промена на вашите дневни ...
3




Анкета

Што да дознаете.
пеперутка16

Кога би носеле тројки, што би направиле?