/11 /11

И додека некои родители ќе го отфрлат во старт овој метод, заради неговата суровост, други се колнат во неговата генијалност, со чија помош ги научиле бебињата да се смируваат сами.

Дали методот “остави го да плаче”, навистина го учи бебето на самостојност, или тоа е пат кој им олеснува само на родителите?

Професорката по психологија и директорка на отсекот за етничко образование на универзитетот Notre Dame, Darcia Narvaez, во статијата објавена во Psychology Today тврди дека истражувањето покажало дека тој метод може да биде долгорочно опасен за бебето.

Нашите тела, под дејство на стрес, го лачат хормонот кортизол, кој може да го оштети детскиот мозок, кој сеуште е во развој, тврдат истражувачите од универзитетот во Yale и медицинското училиште во Харвард.

Тоа може да доведе до хиперактивност, намалена способност за учење и лош развој на социјални вештини.

На бебињата им треба константно и брзо задоволување на потребите, за нивниот мозок да се развива правилно.

Дури и Др. Ричард Фербер, чиј е методот “остави го да плаче”, тврди дека никогаш не ги охрабрувал родителите потполно да го игнорираат детскиот плач во текот на ноќта.

“Отсекогаш верував дека проблемите со не спиење се единствени во секое семејство”, рече во интервју за Baby Talk. “Родителите сакаат брзо решение, но тоа не постои”.

Тој објасни дека една од неговите техники подразбира задоцнета реакција на плачот на бебето, но дека тој метод не е прикладен за сите проблеми со спиењето.

Ферберовата техника ги учи децата да се смират сами во текот на ноќното будење. Но многу родители го примениле неговиот совет на секој вид на ноќно плачење. Токму таквото оставање на бебето да плаче е поврзано со проблеми на стрес, со прашањата за доверба, анксиозност, намалена мозочна функција и недостаток на самостојност.