/11 /11

Професор Бранимир Несторовиќ, изјави дека родителите не треба да се плашат од одење на одмор со децата. важно е само да обезбедат доволна количина храна и вода за по пат и најосновната аптека.

-          Децата се многу отпорни, ние се раѓаме со отпорност кон најголемиот број болести. Зошто бебињата не би оделе на пат, не сум поборник за претерана заштита на децата. Децата се чувствителни на дехидрација и треба да имате доволно вода и лесна храна, некое чоколадо или кекс кој брзо го ублажува гладот – објаснува тој.

Апелира децата да бидат врзани во автомобилот, бидејќи до четвртата година децата имаат непропорционално крупна глава во однос на телото и при нагло кочење можат да се повредат. Апелира да не се пуштаат децата да збеснуваат во кола и додава дека, иако е противник на децата да им се даваат телефон, во тек на патувањето може да се смират децата на тој начин.

Додава дека при рака треба да имате облека за пресоблекување, бидејќи децата се потат, а за клима во автомобил вели дека колку е добра толку е и лоша, не само заради млазот на ладен воздух, туку и заради тоа што често е контаминирана со бактерии. Затоа климата треба да се користи повремено, со разлика од 7-10 степени од надворешната температура.

Говорејќи за аптеката која треба да ја носите, вели дека не треба да се претерува – со себе секогаш имајте пробиотик и препарат цинк кој е најефикасен против дијареа. Треба да се носи и сируп за температура. Не би советувал носење на антибиотик, бидејќи тие често се злоупотребуваат. Советува и сируп од билки против кашлање и ханзапласт. За изгореници од медуза најдобар лек е краставица, додека при убод од морски еж треба да се обратите на лекар, бидејќи раната може да загнои.

Крем за сонце, шешир и наочари се задолжителни.

За заштита од комарци доктор Несторовиќ препорачува децата да пијат Б1 витамин, бидејќи тој на комарците страшно им смрди.

Во приморските градови нема проблеми со алергии, бидејќи нема билки кои предизвикуваат алергија, нити грињи бидејќи е суво и топло. Доколку се оди на планина треба да се води сметка дека тревите таму цветаат еден месец подоцна.