/11 /11

Тригодишната Faith Wilson, која боледува од многу ретка форма на детски дијабетес, денес немаше да биде жива, ако со неа не беше кучето Руби.

Руби, златен лабрадор од источен Тексас, кој е обучен преку чувството за мирис да го открие ниското ниво на шеќер во крвта, базирајќи се на изјавите на мајката на Faith, безброј пати го спасил животот на ова мало девојче.

“Ноќите беа најтешки. Само по неколку часа спиење се разбудував со напад на паника и трчав до нејзиниот кревет, задржувајќи го својот здив и надевајќи се дека е жива”, изјави мајката на Faith, Sarah Wilson за KLTV.

Ако падот на нивото на шеќер во крвта не биде фатен навреме, таа ќе добие напад по што ќе премине во кома, која за неа ќе биде смртоносна.

Мајката на Faith изјавува дека без помошта на црквата и локалната заедница, немале да бидат во можност да го купат кучето Руби, кое чинело 10.000 $, а кое значи живот за нејзината ќерка.

“Не можам да си го замислам животот без Руби. Ако не беше тоа куче, мојата ќерка немаше да биде жива досега.”

Според ABC непосредно пред дијабетичарот да страда од напад предизвикан од критичен пад на шеќер во крвта, неговиот метаболизам се менува. Тие промени произведуваат суптилен мирис, препознатлив само на кучињата кои се обучени за тоа. Тоа е мирис сличен на отстранувач на лак за нокти, кој не е дофатлив за човечкиот нос.

Кога ова ќе се случи, Руби знае да ја пронајде специјалната играчка за таа намена и да ја однесе на мајката на Faith, која веднаш добива знак дека треба да го провери нивото на шеќер во крвта на својата ќерка.

“Не можам да искажам преку зборови што значи тоа куче за нашето семејство”, изјавува Sarah со солзи во очите, додека ја држи заспаната Faith во своја прегратка.