Фото:Canva/По раѓањето, телото продолжува да минува низ хормонални и физички промени, а тие често се одразуваат и на кожата. Разбирањето на најчестите промени и усвојувањето нежни, секојдневни навики може да помогне кожата постепено да се врати во рамнотежа.

/11 /11

Додека се навикнувате на новата улога на мајка, вашата кожа тивко се обидува да се стабилизира по месеците на беснеењето на хормоните во бтременоста, промени во тежината и недостиг на сон.

Разбирањето на овие промени може да ви помогне да ја негувате правилно и да избегнете непотребен стрес.

Што се случува со кожата после породување?

1. Хормонален пад

По раѓањето нивото на естроген и прогестерон нагло паѓа. Ова може да доведе до: сувост или лупење на кожата, појава на акни, зголемена чувствителност, како и променета текстура на кожата.

Кожата која во бременост била светкава и мазна, може привремено да стане уморна или мат.

2. Дехидратација и губење на еластичност

Доењето, недоволниот сон и промените во циркулацијата можат да ја исушат кожата многу повеќе од вообичаено. Жени често забележуваат: ситни линии, чувство на затегнатост, посува кожа на телото, особено на стомакот, градите и нозете.

3. Пигментациски промени

Линијата на стомакот, потемнетите брадавици, како и промените во пигментацијата на кожата таканаречена мелазма, не исчезнуваат веднаш. На некои жени потемнетите области им остануваат со месеци по породувањето.

4. Стрии, појава на нови или поголема изразеност на постоечките

Со намалувањето на телесната тежина по породувањето, стриите може да станат поцрвени или повидливи пред да започнат да бледеат.

5. Акни и масна кожа

Хормоналните промени често предизвикуваат: воспалителни акни, затнати пори, масен Т-зонски дел. Ова е особено често ако кожата била склона кон акни и пред бременоста.

6. Промена на крвните садови

Можна е појава на: мали капиларчиња, црвенило на образите, поголема реакција на кожата на топлина или ладно.

Како правилно да ја негувате кожата после породување?

1. Нежна, а редовна рутина

Изберете производи без агресивни состојки. Основата треба да биде:

• нежен пенлив или кремаст чистач,
• хидратантен серум, хијалуронската киселина е добар избор,
• богата хидратантна крема за обновување на бариерата.

2. Интензивна хидратација

Пијте повеќе вода и користете производи што ја задржуваат влагатакако што се: хијалуронска киселина, керамиди, глицерин, ниацинамиди. Овие состојки ја смируваат чувствителната кожа и ? даваат еластичност.

3. Постпородувална нега на телото

За стриите и сувоста на кожата користете масла со витамин Е, креми со ши путер или јојоба, а правете и масажи за подобра циркулација. Иако стриите не можат целосно да исчезнат, можат значително да избледат со правилна нега.

4. Заштитата од сонце е најважната инвестиција

Секоја пигментација (мелазма, потемнети делови) се влошува со изложеност на сонце.
Користете SPF 30 или 50 секој ден, дури и кога сте дома бидејќи прозорците пропуштаат УВ-А зраци.

5. Суплементи и исхрана

Внесувајте храната која е богата со: омега-3 масти, витамини А, Ц и Е, како и зеленчук и овошје кои се богати со антиоксиданси. Ваквата исхрана ја поддржува кожата одвнатре и го забрзува опоравувањето.

6. Бидете трпеливи доколку имате акни

Ако доите, користете безбедни состојки како: ниацинамид, азелаична киселина, бензоил пероксид во ниски концентрации. Ретиноидите не се препорачуваат во доење.

7. Сонот и одморот се основа за здрава кожа

Недостатокот на сон предизвикува темни подочници, бледило, брчки и акни. Обидете се да спиете кога спие бебето. Доколку имате потреба побарајте помош околу домашните обврски за да си дозволите денови за одмор.

Кожата после породување минува низ природен процес на прилагодување. Некои промени ќе исчезнат за неколку недели, други ќе бараат малку повеќе труд. Со нежна рутина, заштита од сонце, добра хидратација и правилна исхрана, кожата постепено ќе се врати во својата природна состојба исто како и вие.