/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Наша цел е преку здравствено едукативни мерки да се споделат основни совети за нашите сограѓани со чие спроведување би се постигнало зачувување и унапредување на оралното здравје, не само на поединци туку на колективното орално здравје на целата популација.

Имаме две генерации на заби плус една, и тоа:

•             Млечни заби кои почнуваат да никнуваат некаде од 6-от месец по раѓањето, и тие се дваесет (20) на број. Честа грешка е што не се посветува внимание на нивното здравје бидејќи се сфаќаат како заби кои се менуваат. Нивната важност е од особено значење за нормалниот развој на двете вилици но и на детето воопшто. Млечните заби се чувари на простор на трајните заби и се орган кој ја обавува џвакалната функција. Вадењето на млечните заби мора да биде на време, ниту порано ниту покасно со цел да се избегнат деформации, искривување и неправилна положба на зачетоците на сталните заби.

•             Трајни заби кои почнуваат да никнуваат некаде од 6-та година, и се триесет и два (32) на број. Во принцип прво никнуваат долните шестки, но не е правило бидејќи некогаш можат прво да никнат долните предни секачи. Бидејќи како првенци на сталната генерација на заби се шестките, тие знаат да не се приметат од страна на родителите дека се трајни, па воопшто не се третираат за да се заштитат, а се наоѓаат во една средина богата со кариес од млечните заби и знаат многу брзо да се дестурираат уште не доизникнати поради ова невнимание и незнаење.

•             Третата генерација на заби се забните помагала: коронки, мостови, протези, импланти.