/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Состојбите кои предизвикуваат појава на мирис на ацетон во детскиот здив и кои можат да доведат до појава на ацетонемија, обично се јавуваат кога детето има покачена температура, по долго гладување, консумирање на мрсна храна (помфрит, мајонез, путер, чоколадо, пржени јајца) и зголемен телесен напор кој трае подолго време.

Симптоми на ацетонемија се:

• епизоди на повраќање на храна кои продолжуваат со повраќање на течност со примеси на желудочно жолтило
• болки во стомакот и главоболка
• малаксаност, поспаност, раздразливост
• одбивање на храна и вода
• тежок мирис на ацетон од устата
• темни кругови околу очите
• сув јазик, обложен со жолтеникаво-бели наслаги

Како помош во тој момент доволно е да се консумираат напитоци со додаток на шеќер како чај или свеж овошен сок на собна температура.

Ако почнало и повраќање детето треба да пие само чај во мали голтки, бидејќи му е надразнет желудникот. Кога детето ќе се чувствува подобро понудете му двопек со мед, суви кекси натопени во засладен чај од камилица, јогурт, а подоцна ориз и тестенини со многу малку маснотија.

Важно е да се знае дека ацетонемијата не е болест, туку симптом кој предупредува дека во детскиот организам има недостаток на шеќер и заради тоа почнал да ги користи зачуваните извори на енергија, а тоа се мастите. За да се реши проблемот од исхраната треба да се елиминираат производите кои содржат премногу масти и да се даде предност на исхраната во која има повеќе шеќер.

Ако ацетонемичната криза не се смирува и доаѓа до нејзино влошување, потребно е болничко лечење.

Забелешка:

Сите материјали, статии, коментари, теми и категории, како и целата содржина на Рингераја.мк, се од информативен карактер и истите НЕ можат да заменат консултација со лекар за дијагностика и лечење. За се што е поврзано со Вашето и здравјето на Вашето дете, консултирајте се со матичниот лекар.