/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Породувањето ќе ви биде значително полесно доколку во текот на бременоста вежбате. Секако, тоа треба да бидат вежби прилагодени на вашата состојба. Фитнесот ја подобрува издржливоста, а шетањето, пливањето, или пренаталниот аеробик ќе ја подобрат еластичноста на вашите мускули и ќе го подготват телото што подобро за она што го очекува во деветте месеци на бременост.

За девојките кои се подготвуваат по прв пат да станат мајки, активното породување во просек би требало да трае од 12-14 часа. Телото треба да се подготви за тоа. Контракциите започнуваат со првите движења на бебето, веќе во четвртиот месец од бременоста. Значи, кога ќе почнат контракциите, прво ќе ги почувствувате во долниот дел на грбот или на стомакот како грчеви. Тогаш обидете се да останете мирни. Доколку почнете од почетокот да се грижите и да се плашите од контракциите, нема да можете да дишете правилно и брзо, бидејќи ќе се уморите. Затоа, доколку терминот не ви е блиску, опуштете се  и препуштете се на активности кои ќе ви го свртат вниманието. Прошетајте, истуширајте се и испечете колачи.

Лесната ужина во раните фази од бременоста ќе ви помогне да го одржите нивото на енергија кое ви е неопходно за секојдневните активности. Избегнувајте мрсна или тешка храна, бидејќи со полн стомак ќе чувствувате мачнина и нагон за повраќање. Истражувањата покажале дека породувањето ќе биде лесно ако во текот на бременоста ставите најмногу десет килограми. Затоа, ако често чувствувате желба за слатко или солено, потрудете се наместо по чоколадо или чипс да се напиете чаша вода или незасладена лимонада. Секако, не се одрекнувајте од се што ви бара телото, но никако не се придржувајте на “правилото” дека во бременоста треба да јадете за двајца.