Грип

/11 /11

Потрудете се вирусите и бактериите да ги држите под контрола, за да спречите ширење на заразата. Дезинфекцијата е клуч за се. Иако на почетокот можеби ви се чини дека сето тоа е претерано, помислете колку проблеми ќе имате ако сите почнете да кашлате и да имате температура.

Првиот чекор е да набавите марамчиња и спреј за дезинфекција.

Во бањата

Ова е најважната просторија, која мора да биде беспрекорно чиста. Покрај тоа што треба да го изолирате болниот од другите домашни, морате да внимавате и на ширењето на бактериите во просториите кои заеднички ги користите.

Четките за заби се први на кои треба да обрнете внимание. Ако четките од сите стојат во иста чаша, време е да ги разделите.

Ако инфекцијата е проследена со пролив, мора да внимавате и на WC школката и на мијалникот. Задолжително носете ракавици и заштитна маска на устата и носот. Бањата чистете ја неколку пати на ден.

Болниот нека користи сопствена крпа, која ќе ја одвоите од другите и ќе ја перете почесто.

Соба, кревет, кваки

Ако болниот е во иста соба со мало дете или други членови од семејството, време е да го одделите. Често проветрувајте ја собата во која е болниот, менувајте ја постелнината и трудете се со храна и пијалаци да го зајакнете неговиот и имунитетот на семејството. Посебно внимавајте на кваките кои се вистински преносители на болести. Исто така, мобилниот телефон на болниот не треба да го фаќа никој.

Малечки деца

Малите деца се посебно чувствителни кога се болни. Често имаат многу желби и не сакаат да ги даваат играчките во кои гледаат поддршка. Затоа повремено исчистете ги и дезинфицирајте ги нивните играчки.