/11 /11

Alan Labole е француски уметник од Бордо кој, откако во 2007 година станал татко, почнал да води сопствен семеен фото дневник кој го нарекол „La Famille“.

Сега има шест деца и преку илјада прекрасни фотографии од нивното растење. Она што неговите слики ги прави посебни е тоа што тие го величат контактот со природата и слободната игра на отворено, каква денешните деца скоро и да не познаваат. Тие се спонтани и полни со живот, но и носталгија за времињата во кои децата растеа слободно.

На прашањето што го инспирира, Алан вели: "Ние живееме на село, во многу стара куќа без непотребен конфор или телевизија. Нашиот двор со шума од бамбуси и природно езерце е наш универзум во кој може многу да се открие. Детската досетливост и креативност е она што најмногу ме инспирира."