/11 /11

Новото бебе е сјајна прилика за склопување на нови пријателства. Делењето на искуствата со други трудници и искусни мајки е магична вежба за зачувување на менталното здравје. Лесно е да се вклучите во тој нов круг, но и постарите пријателки можат да Ви дадат поткрепа во тој прекрасен и тежок период од Вашиот живот.

Некои од тие пријателства нема да останат ни до растењето на првото запче, а  некои ќе потраат. Во болничките соби се склопуваат и доживотни пријателства. Најпрво можеби нема да мислите дека имате толку многу заеднички работи, но споделувањето на успоните и падовите може да Ви го сочува менталното здравје во првите неколку месеци по породувањето.

Какви пријателки Ви требаат по породувањето и како можете да ги запознаете? Еве неколку примери:

Нова мајка пријателка

Онаа која со Вас го дели секој момент

Изненадувачки, но најновите пријателки често се најблиски во првите хаотични месеци од мајчинството. Додека Вашите пријателки кои немаат деца ве гледаат бледо кога ќе спомнете вежби за стегнување на телото, Вашата нова пријателка поминува низ истите работи.  За многу брзо време со неа ќе разговарате за хемороиди.

Стара пријателка

Таа која секогаш била со Вас

Со Вас била во секоја криза, па зошто да ја пропушти и оваа авантура? Пред неа можете да бидете мамурна и со скршено срце, во пижами, со дамки околу градите од млеко. Иако не е луда за менување пелени, знае што Ви е потребно како личност, а не како мајка.

Никогаш не и земајте здраво за готово на пријателката. Бидете свесни за тешкотиите кои можат да се појават заради Вашата нова ситуација. Можеби и таа би сакала да биде мајка, но не е во врска или не може да забремени. Не заборавајте да ја охрабрите.

Искусна пријателка

Таа која била таму и го правела тоа

Сите жени, кои се мајки за прв пат, имаат моменти на несигурност кога им е потребен совет. Некои жени овој вид на пријателство ќе го пронајдат во својата мајка, а некои бараат совет од жена со малку постари деца.

Ако немате при рака искусна пријателка, не грижете се. Ќе се изненадите од помошта на непознати лица. Ако ја прашате сосетката како таа го заспивала своето бебе, брзо ќе го скршите мразот и можеби ќе започнете топло пријателство.

Незаинтересирана пријателка

Таа која се прави дека Вашето бебе не постои

Таа сигурно не сака да гледа слики од Вашето бебе, воопшто не се грижи за неговото прво запче и нема никакви познавања за одгледување на деца. Баш затоа Ви е потребна.

Верувале или не, ќе дојде момент кога ќе посакате да излезете од дома и да разговарате за други работи, освен за бебиња. Таа пријателка ќе Ви го олесни тоа. Односот со оваа пријателка може да стагнира во првите неколку месеци од мајчинството, но не смеете да го прекинувате.

Виртуелна пријателка

Онаа која никогаш нема да ја сретнете

Денешните мајки имаат непроценлив извор на совети, дури и во три часот наутро, кога косата Ви е валкана од повраќаница и три дена не сте ја промениле блузата.

Поддршката преку интернет е сјаен начин во борбата против осаменоста на новите мајки. Анонимноста им овозможува на луѓето да ја отворат душата на нови начини, на кои инаку не би можеле. Тука секогаш се пријателите кои се достапни секогаш кога ќе Ви притребаат и плачот не бебето не може да го прекине Вашиот разговор.