Баш ми е драго кога гледам убави дотерани жени кои ги дојат нивните бебиња. Секоја жена која јa има ова чест навистина е благословена. За жал моментално ова не е моја реалност. Бидејќи мојот син се роди предвреме јас ја немав можноста да го дојам од почетокот. Иако борбата за чување на моето млеко беше многу тешка, но јас победив. Иако тој не се дои од мене, јас веќе шест месеци се молзам редовно само и само тој да го пие од моето млеко. Сепак јас се уште ја продолжувам борбата за тој да се дои директно од мене, и сум многу сигурна дека ќе успеам. Затоа драги мајки, вие сте многу силни и храбри жени. Борете се до крај за вашите ангели да ја имаат можноста преку доење не само да се нахранат туку и да ве намирисаат кога сакаат. Борете се за до последната капка.