Како и секоја друга мајка и јас со себе носам две искуства на тема доење. Верувам дека секоја бремена жена знае дека доењето и мајчиното млеко се исклучително важни за секое бебе,но исто така знам дека не секоја мајка е во можност да го дои своето дете.
За среќа јас ги доев двете. Лина кратко (4 месеци), а Калина малку подолго време (9 месеци). Кога за прв пат ќе се соочиш со тоа искуство не е баш пријатно и знае да биде болно, но тоа се случува првите денови додека трае адаптацијата и на бебенцето, а и на мајката (барем во мојот случај). Дефинитивно страв на таа тема постоеше кај мене бидејќи слушав различни негативни искуства од други мајки. Секако со Лина ми беше потешко бидејќи не знаев како треба да се постави бебе за време на доење, дали воопшто имам млеко и слично. Но како што кажав тоа беше само почеток, а кога се навикнавме, уживав и јас и тие. Некако се чувствував исполнето и благословено што имав прилика да ги дојам, можеби не долго но сепак имав и сметам дека доволно. Среќна сум што имам позитивно искуство на оваа тема.
Освен што е најдобро за растот и развојот на детето, сметам дека доењето е од исклучителна важност за поврзување на мајката со бебето