Мојата приказна за доење започнува со користење на медела електричната пумпа од првиот ден на раѓанјето на моите две деца (буквално и на двете). Разликата меѓу нив е 5 години, меѓутоа приказната иста. Од самото раѓање и на првото и на второто дете, и покрај упорно пробување за воспоставување на природен начин на доење со помош на педијатар и сестри , едноставно секој пат беше неуспешен за да се воспостави контакт и успешен подој природен (пробувано и со вештачки брадавици - во мојот случај неуспешно). Со цел да не се изгуби млекото, веднаш беше препорачано измолзување и веднаш беше набавена медела електричната пумпа и започнато со измолзување и давање на млекото. По отпуштање од болницата во меѓувреме сеуште беа правени неуспешни обиди за природен подој. По препорака на педијатар, поради моето очајно инсистирање на начин на кој што ќе можам да го одржам моето млеко, имајќи ја предвид значајноста на мајчиното млеко за новороденчето, ми беше кажано дека можам да се измолзувам на секои три саати и потоа млекото да му го давам на моето дете, меѓутоа со оглед на тоа дека нема природна стимулација на доење, дека сето тоа не би можело долго да трае. Така започнав со измолзување на секои три саати (дење и ноќе) со медела електричната пумпа, потоа конзервирање на млекото во фрижидер со сите процедури. Верувале или не, мајчиното млеко го одржав, му го давав на моето дете цели 9 месеци, со измолзување на секои 3 часа, без ниеден природен подој, со помош на електричната пумпа медела. Истиот случај беше со моето второ дете, 8 месеци давање на мајчино млеко со измолзување на секои 3 часа. За моите 2 деца искористив 4 електрични пумпи медела и успеав да им го давам мајчиното млеко цели 9 месеци.