Во еден подлабок сад со посолена вода ставете го измиениот грашок и варете го на умерена температура додека не омекне, водејќи сметка да не се превари. Сварениот грашок исцедете го и испасирајте го со вилушка, па оставете го да се излади. Во порцеланска чинија измешајте го брашното, карито, тобаско сосот, ситно сецканиот црн лук, на коцкички исецкана пиперка и ситно исецкани листови нане. Подготвената мешавина ставете ја во изладениот грашок добро измешајте, па со лажичка земајте по малку од масата и обликувајте крокети. Секоја топка валкајте ја во презла и пржете ја на добро загреано масло, од двете страни за да порумени. Вака подготвените крокети од грашок послужете ги со пикантентниот сос од нане.