Јајцата изматете ги пенасто, заедно со шеќерот и ванилата. Додадете брашно, густин, прашок за печиво и вода. Кога се убаво ќе се соедини додадете рендано чоколадо и промешајте.Смесата ставете ја да се печи во плех обложен со хартија на температура од 200 степени. Кога тестото ќе се испечи ставете го на влажна крпа на која сте посолиле шеќер кристал и завиткајте ја во ролна. Во малку млеко растворете пудинг, а останатото ставете о во тенџере да се загрее. Кога млекото ќе почне да врие додадете го растворениот пудинг и сварете густ крем. Оставете го да се излади. Пенесто изматете го маргаринот со шеќерот во прав, па соединете го со изладениот пудинг и добро промешајте. Одвојте половина фил за премачкување на тортата. Извадете го тестото од крпата, намачкајте го со фил и ставете ги јагодите. Пресечете две долги ленти, а нив на уште пет помали, така што од двете теста ќе добиете 10 ленти. Земете една лента и ставете ја исправена и свиткана во средината на чинијата за торта. Постапката повторете ја со сите ленти, така што ќе добиете тркалезна торта. Со другата половина од филот премачкајте ја целата торта. Изматете шлаг, нанесете го на тортата и украсете со јаготки.