Просечна трудница досега има добиено плус 7 килограми. А кога сме веќе кај килограмите, дали се држите до здравата исхрана? Верувајте, се исплаќа! И по породувањето, немојте да заборавите да се храните здраво. На тој начин и новороденчето ќе го научите на здрава исхрана. А тоа во современиот свет е се поважно.

Во овој период кај гинекологот одите еднаш месечно. Освен редовното мерење тежина, притисок, проверка на урина, хемоглобин во крвта, ќе ја определи и положбата на плодот. Ќе ја измери и големината на матката. Гинеколозите ја мерат матката од врвот кој е секоја недела се повисок до врвот на срамната коска. Должината би требало да се поклопува со неделите на бременоста, нормално со мали отстапувања. Важно е матката цело време да расте. Растењето на матката е добар знак дека и плодот расте, затоа ако гинекологот измери помал стомак од очекуваното со оглед на траењето на бременоста ќе се посомнева дека има застој во развивањето на плодот.

>>  Плод во 23. недела
>>  Тато во 23. недела