/11 /11

Причини

Вирусната и бактериската инфекција, како и растот на првите запчиња кај дечињата се најчестите причини за високата телесна температура. Првите запчиња може да предизвикаат зголемена телесна температура, но не повисока од 38 степени. Вирусните инфекции најчесто не е потребно да се лекуваат со антибиотици, туку е потребно да се почека самата инфекција да помине. За разлика од вирусната, кај бактериската инфекција е потребен третман со антибиотик.

Антипиретик

Висината на телесната температурата не е показател за тежината на болеста. При покачена температура, особено малите деца може многу лесно да дехидрираат, а со тоа повеќе да ја зголемат температурата. Затоа е многу важно детето да пие многу течности. Доколку температурата е многу висока, потребно е да се даде лек – антипиретик.

Разладување

За температурата над 38.5 е потребно разладување на телото на детето со млака вода, а не како што многу родители грешат со ладна вода. Температурата е потребно да се мери на секои 15 мин и да се продолжи со разладувањето од 2-3 мин се додека температурата не падне под 38 степени. Се советува да се разладува телото, но не главата и лицето.

Грчеви

Клиничката слика кога детето поради високата температура ќе добие грчеви е драматична. Тоа се вкочанува, рацете и нозете се тресат, а може и да ја загуби свеста. При таков случај веднаш детето се става на коса подлога при што се превенира голтање на јазикот и веднаш се дава чепче дијазепам. Грчевите траат најчесто од 3-5 минути и доколку се јават кај деца помали од една година постои тенденција за повторен напад. Затоа кај деца кои еднаш добиле вакви напади секогаш при висока температура е потребна превенција со чепче дијазепам.

д-р Софија Тодоровска

доктор на медицина