/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Еве неколку работи што мора да ги имате за да изгледате модерни и да се чувствувате убаво додека се релаксирате до базенот или лежите на врелиот песок на плажата:

Одличен костим за капење: Првото нешто што Ви треба е прекрасен костим за бремени жени коj и ласка на Вашата фигура. Најпопуларен избор за идните мамички се оние костими кои имаат горен дел кој изгледа како маичка и долен бикини дел. Други интересни опции се едноделни костими, но не се исклучени ниту бикини моделите. Забавувајте се со смели бои и интересни дезени.

Шик прекривка: Прекривка врз костимот за капење е есенцијална за трудните мамички. Шарена туника, слатко фустанче или некоја прекрасна марама... изборот е огромен!

Шарени апостолки: Завршете го Вашиот летен труднички изглед со забавни и шарени апостолки, со дезени што може да се движат  од прави или коси линии, до точки во сите бои.

Модерна капа: Голема сламена шапка или слатко шеширче не само што не му дозволуваат на сонцето да ви ги заслепи очите, туки ги штитат и Вашето лице и гради. Бремените жени не треба да го изложуваат своето лице на сонце за да го спречат појавувањето на сончеви дамки.

Крем со заштитен фактор: Изберете крем со висок заштитен фактор за да не изгорете на јакото летно сонце.

Добра книга и музика: Не заборавајте да изберете интересна книга и да го наполните Вашиот iPod или телефон со добра музика за максимално релаксирачки ден на плажа!