/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

XXXII недела
Вашето дете би требало да е долго околу 41 см, а тешко околу 1600 гр. Детето сега веќе изгледа како новороденче но и понатаму е слабо и телото мора уште да му се развива. Неговиот мозок многу брзо расте, така што и главата станува се поголема. Во матката има се помалку место, па веројатноста да се сврти со главата надолу е голема. 

XXXIV недела
Детето сега е долго околу 44 см, а тешко околу 2000 гр. Тоа разликува светло од мрак, па кога спие очите му се затворени, а кога е будно очите му се отворени. Сите органи воглавно се развиени.

XXXVI недела
Вашето дете во овој период е долго околу 46 см, а тешко околу 2500 гр. Неговата глава е веќе спуштена во карлицата, подготвувајќи се за породување. Ноктите на рацете и нозете се пораснати до врвовите на прстите. Кај машките деца во овој период би требало тестисите да се спуштат. Детето има потполно развиена коса, трепки и веѓи. Во следните неколку недели детето ќе ја зголемува својата тежина за околу 28 гр. дневно.

XXXVIII недела
Детето сега би требало да е долго околу 49 см, а тешко околу 3000 гр. Во неговите црева се собира мекониум, првата столица кај новороденчето. Плодовата вода која поради излупените клетки и маснотии е бела, значи дека на бебето сеуште му е добро во стомакот на мајката. Може да се случи, бебето и да се искака во стомакот на мајката, а тогаш докторите одлучуваат дали тоа има добри услови за живот во стомакот.

XXXX недела
Вашето дете би требало да е долго околу 51 см, а тешко околу 3400 гр. Повеќето влакненца би требало да ги нема, иако би можело да се случи да останат по рамениците, рацете и нозете. Детето и понатаму може да биде покриено со верникс и движењата на детето се ограничени.

* податоците се разликуваат од извор до извор поради различниот начин на мерења

Ве интересира како се разива и расте плодот, што се случува со трудницата и за што размислува идниот татко?  Календарот на бременост на Рингераја, ве води од недела во недела низ бременоста.