Фото:Canva/Иако често се тврди дека овулацијата се случува на 14тиот ден од циклусот, ова важи само за жени со редовен 28 дневен циклус и ни тогаш не секогаш е на тој ден. Во реалноста, овулацијата значително варира од жена до жена и од циклус до циклус.

/11 /11

Иако ова правило често се споменува во разговори, апликации и дури во некои совети, вистината е дека овулацијата не е иста кај сите жени ниту секој месец кај истата жена.

Од каде потекнува митот?

Овој мит се темели на „идеалниот“ циклус од 28 дена, каде овулацијата навистина често се случува околу средината околу 14тиот ден. Но, во реалноста, малку жени имаат совршено редовен циклус од 28 дена.

Циклусите се различни и тоа е нормално

Нормален менструален циклус може да трае:

• од 21 до 35 дена кај возрасни жени,
• од 21 до 45 дена кај адолесцентки.

Кај пократки циклуси, овулацијата може да се случи порано, на пример на 10-ти или 11-ти ден, а кај подолги подоцна на 18-ти, 20-ти или уште подоцна.

Овулацијата не е фиксен датум

Она што е поредовно кај повеќето жени е лутеалната фаза, периодот од овулацијата до следната менструација, кој најчесто трае околу 12 до 14 дена. Фоликуларната фаза, пред овулацијата, пак, е таа што варира и ја поместува овулацијата.

Што може да ја помести овулацијата?

Овулацијата може да се случи порано или подоцна поради: стрес, болест, промени во телесната тежина, патувања и промена на ритам, хормонални нарушувања и недоволен сон.

Понекогаш овулацијата може дури и да изостане во одреден циклус и тоа не мора веднаш да значи сериозен проблем.

Зошто ова е важно?

Погрешното верување дека овулацијата секогаш е на 14тиот ден може да доведе до:

• погрешно планирање бременост,
• неуспешно избегнување бременост,
• непотребна грижа или разочарување.

Како попрецизно да се следи овулацијата?

Наместо слепо следење на календарот, подобро е да се користат:

• следење на цервикалната слуз,
• мерење базална телесна температура,
• овулациски тестови,
• внимание на телесни сигнали како болка во јајник, зголемено либидо.

Овулацијата не доаѓа по часовник. Таа не е секогаш на 14тиот ден и не е иста кај сите жени. Разбирањето на сопствениот циклус, наместо следење општи правила е клучно за репродуктивното здравје и спокојот.