Мајка и мајчинство

/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Зошто се јавува осаменоста?

Осаменоста во мајчинството не значи дека физички сте сами. Таа најчесто доаѓа од недостаток на разбирање и поддршка, промената на животниот ритам и губењето на дел од личниот идентитет. Со доаѓањето на бебето, приоритетите се менуваат, времето за себе станува луксуз, а разговорите со пријателите често се сведуваат на „како е бебето?“.

Фактори кои придонесуваат за чувството на изолација

• Недостаток на сон и умор, физичката исцрпеност ја намалува енергијата за социјални контакти.
• Нереални очекувања, медиумите и социјалните мрежи го прикажуваат мајчинството како совршенство, што води до чувство на неуспех во реалноста
• Недостаток на емоционална поддршка, партнерот, семејството или пријателите не секогаш ги препознаваат емоциите што ги носи оваа улога.

Како да се справите со осаменоста?

Разговарај за своите чувства
Не потиснувај се во себе. Сподели со партнерот, блиска пријателка или дури и со група за поддршка на мајки. Ќе откриеш дека не си сама во ова.

Пронајди време за себе
Дури и 15 минути дневно за книга, туширање во мир или кратка прошетка можат да направат голема разлика.

Вклучи се во група на родители
Онлајн групи или локални средби со мајки нудат можност за споделување искуства и советување.

Не се срами да побараш помош
Психолог или советник за ментално здравје може да биде огромна поддршка во моменти кога чувството на осаменост станува премногу тешко.

Осаменоста во мајчинството е реална и нормална. Не е знак на слабост, туку природна реакција на големата промена што се случува во твојот живот. Со поддршка, разбирање и грижа за себе, ова чувство може да се надмине, а мајчинството повторно да се доживее како исполнувачко и убаво патување.