/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Класичен новогодишен венец

Користете ги собраните шишарки, за да си направите убав новогодишен венец. Прикачете ги шишарките кон гранчињата  со помош на топол силикон или лепило. На ист начин може да направите и венче од шишарки, па со панделка да го закачите на прозорецот.

Свеќник со шишарки

Земете една стаклена тегла. Завиткајте ја во чипка, а околу грлото ставете усукан коноп. Со помош на лепило залепете две шишарки, таму каде што сте врзале коноп, за да создаде илузија за панделка. Испрскајте го грлото на теглата и шишарката со вештачки снег. Ставете во теглата кафена свеќа.

Мини елхички од шишарки

Во внатрешниот дел на неколку поголеми шишарки залепете  памук, или пак монистра. На овој начин шишарките ќе изгледаат како мали новогодишни елки.

Новогодишни  играчки

Користете ги шишарките како основа за изработка на новогодишни играчки. На пример, на врвот на шишарките ставете дрвени перли, на ќе ставите очи и уста. Кон него додадете платно кое имитира капа. Веќе имате мало џуџе. На врвот на капата направете мала дупка во која ќе провнете конец и така ќе може да се стави играчката на елката.

Шишарки  во сад

Ако немате време за нопвогодишни проекти, тогаш едноставно соберете неколку шишарки и ставете ги во стаклен сад. По желба може однапред да се обоени со бела боја, со златен или сребрен спреј или пак со вештачки снег. Додадете во стаклениот сад неколку стапчиња цимет.