|      
Сакаш да се откажеш?
Пред да ја потврдиш својата одлука, запознај се со последиците од таа одлука.
Доколку го потврдиш своето откажување, на твојот комјутер ќе наместиме cookie, кој ќе ни овозможи, во текот на натпреварот (14.03 - 18.03.2016) при посета на порталот да те препознаеме и да овозможиме слободно користење на порталот, без прикажување сликички, односно контролор на играта од десна страна на екранот.

Истовремено ќе бидат одземени сите собрани поени. За жал, со откажувањето, губиш и право на награди.

Дали се уште сакаш да се откажеш?
Рингераја.мк користи "колачиња" за обезбедување подобро корисничко искуство, следење на посетеноста и приказ на огласи. Поставките за прифаќање на колачињата ги прилагодувате во вашиот пребарувач.
Со продолжување на користењето на сајтот се смета дека се согласувате со користење на колачињата за наведените цели. За продолжување кликнете “Во ред”.   Дознајте повеќе.

На кафе кај Теа My gluten free corner

Марина Кљајиќ Петковски, 21.4.2023
Целијакија или глутен сензитивна ентеропатија е трајна неподносливост на глутенот, белковина од пченицата, јачменот и ‘ржот. Единствен можен лек е строга безглутенска диета.Во спротивно, последиците се бројни

image
/11


 

И покрај што во последно време, меѓу трендовите се вработува и исхрана без глутен, сепак за некого тоа е неминовна потреба.

Еден таков пример е Теодора Павловска, на која уште во раното детство и е дијагностицирана целикакија. 

Нејзиниот блог My gluten free corner е доста популарен на Инстаграм и нуди изобилство од разновидни рецепти и совети. 

Моето име е Теодора Павловска, но сите што ме познаваат знаат дека сакам да ми се обраќаат со Теа.

Имам 26 години и сум од Битола. Желбата кон креирањето и фотографирањето на безглутенски и здрави рецепти ме поттикна да го направам мојот инстаграм профил @myglutenfreecorner - вели Теа за себе. 

Рингераја: Креаторка си на блогот my gluten free corner. Како што наведуваш во самиот опис на истиот, се храниш на овој начин поради целиjакија. Кажи ни како дојде до оваа дијагноза и што с? повлече таа со себе?

Теа: Дијагнозата за целијакија ја добив кога имав само 4 години и уште од првиот ден па и ден денес се соочувам со секојдневни предизвици. Со себе повлече многу работи како на пример: чувството на отфрленост и неприфатеност на било кој социјален настан, константно читање на декларации, константно обрнување на внимание не само на храната што ја јадам јас, туку и на храната што ја јадат другите околу мене ( во случај да дојде до крос-контаминација со мене.)

Рингераја: Кога сме кај блогот, од кога датира и која е наменета на истиот? 

Теа: Првиот рецепт на профилот е објавен на 13ти февруари 2021година. Првенствено причината поради која се одлучив за овај профил е тоа што се почесто и почесто почнав да експериментирам со нови рецепти кои што ми беше интересно да ги декорирам и сервирам на различни начини, сакав да ги сликам и чувам некаде тие слики, а тоа да не е само во мојата галерија во телефонот. Втора, а уште побитна причина е тоа што се почесто дознавав за луѓе од најразлични возрасти на кои им е потребна ваква исхрана, а ресурсите на македонски јазик за ова се премногу мали. И покрај тоа што на инстаграм има безброј профили со најразлични рецепти, до сега немаше ниту еден профил на македонски јазик баш со оваа тема, 100% безглутенски рецепти, па си помислив зошто јас да не бидам таа што ќе биде прва.

Рингераја: Каква е понудата на пазарот со продукти без глутен? 

Теа: За жал понудата на нашиот пазар за продукти без глутен е пре премала, за разлика од другите европски земји. А тоа е така поради тоа што свесноста за сериозноста на целијакијата како состојба, и ризиците и предизвиците за живеењето со неа кај нас е премногу мала, да не речам и дека не постои.

Рингераја: Од каде црпиш инспирација за рецептите? 

Теа: Инспирација црпам од секаде, најчесто од други креативни инстаграм профили, тикток и пинтерест, со тоа што морам да ги заменувам и комбинирам состојките кои тие ги користат со безглутенска опција.

Рингераја: Омилена храна? Омилен рецепт? 

Теа: Искрено не можам да се одлучам за еден па ќе ги кажам моите 3 омилени рецепти. Фалафел со наут во комбинација со печен помфрит и сос од грчки јогурт, лимон, сол. Како втор омилен рецепт, Пица од сладок компир и за трето, десертот, барчиња со путер од кикирики.

Рингераја: Беше ли девојче кое од мала уживаше во игри кои вклучуваат готвење или оваа страст ја откри подоцна во животот?

Теа: Да бидам искрена, не, никогаш како мала не сум сакала да играм игри со готвење или да барам да бидам вклучена во кујната, а тоа можеби е поради тоа што долго време додека да ми биде откриена целијакијата, константно имав болки и други дигестивни симптоми од било што и да јадев па долго време имав и некаков страв од храната. Страста за готвењето и експериментирањето со рецепти ми е нешто што го открив пред неколку години, кога почнав сама да истражувам на што се треба да внимавам, и почнав да испробувам најразлични брзи и здрави рецепти што ќе ги најдев низ инстаграм, секако со модификации за да бидат без глутен.

Рингераја: Социјалните мрежи се неизбежни во денешно време, корисни за - од основна комуникација, до водење бизнис. Какво е твоето мислење на оваа тема? Која е твојата "тајна" за успех на инстаграм, што би им препорачала на оние кои имаат некоја пасија и сакаат да се изразат на социјалните медиуми но се кочат, плашејќи се од неуспех? И за крај, твоја препорака за читателите.

Теа: Во светот, веќе одамна голем број од луѓето социјалните мрежи ги користат за најразлични бизниси, почнувајќи од рецепти, програми за вежбање, модни совети, бизниси со рачни изработки и слично. Кај нас сето ова е сеуште "нова тема", голем дел од луѓето на социјалните мрежи гледаат само како место за губење на време, но мило ми е што се почесто гледам нови едукативни и креативни профили на инстаграм. Не постои една конкретна "тајна" за успех на инстаграм, најважното е да бидете креативни, уникатни и целосно посветени кон вашата цел и содржината што сакате да ја пренесете.

Кога креирате содржина која што е вистински одраз на вас и вашата страст, тоа што ќе го прикажете ќе го привлече вниманието на вистинската публика.

"You never know where your passion may take you if you don't give it a chance!"

Теа, ти благодарам на издвоеното време. Разговорот со тебе беше вистинско уживање.

 

Рецептите се врвни и превкусни, топла препорака да ги пробате.

 

Ти се допаѓа статијата? Кликни “Like” и додај свој коментар:

Кој стои зад успешноста на Shea Homemade?
Зад успешноста на Shea Homemade стоиме јас, мојата сестра и мојата мајка. Сите три сме со различни професии, економист, ...
5
Мојата свадба - emce kremce
Од овој ден ти си ми единствена,и погледни - на дланка си ми пишана ко златна до срце линија засекогаш крај мене, најмил...
4
Бијонсе бремена на MTV VMAs-како изгледаше...
Веста дека Бејонсе е бремена беше една од главните на доделувањето на MTV VMAs. Погледнете ги фотографиите, како изгледа...
3
Шакира ќе се мажи!
Пејачката Шакира и нејзиниот дечко, фудбалерот Жерард Пике, планираат да се венчаат ова лето, пренесуваат колумбиските м...
3




Анкета

Градинка.
Admin

Во која градинка посетува вашето дете?