/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Доволно е забите да се мијат 2 пати дневно, наутро и навечер, во времетраење од 3 до 5 мин. На секои три месеци, четката треба да се заменува со нова. Уште подобро е ако се користат 2 четки, едната за наутро, а другата за навечер.

Чистете ги забите со бавни кружни движења 

За жал, повеќето луѓе ги четкаат своите заби неправилно, поточно користат хоризонтални движења. Запомнете: четката се држи под агол од 45 степени према линијата на непцата. Правете бавни кружни движења, внимавајќи притоа врвот од четката да го задржите на едно место. На секој заб треба се задржите околу десетина секунди.

Со бавни кружни движења се чистат лабијалните (надворешни) површини на забите. Подолгите снопчиња достигаат во просторот меѓу забите.

На ист начин чистете ги и оралните (внатрешните) страни на забите. Со движење на четката во правец напред – назад се чистат џвакачките површини на горните и долните катници.

ПРЕПОРАКА: Користете интердентални четки! 

Кога забите се мијат со четка и паста за заби се чистат само три површини од забот (од вкупно пет). На останатите две (меѓу забите) површини им е потребна особена грижа, бидејќи таму најмногу се натрупуваат наслаги и храна.

Бидејки тие простори се тешко достапни за хигиена, се препорачува употребата на интердентални четки. Тие четки стигаат до аглите и вдлабнувањата на меѓузабните простори. На тој начин всушност се контролираат наслагите на местата кои не можат да се исчистат со конци.

Забните конци треба да се употребуваат во случаите каде има тесни меѓузабни простори.

За да се контролира квалитетното миење на забите и воопшто усната хигиена, може да се користат индикатори - различни таблетки или раcтвори кои ги обојуваат местата каде има наслаги.

Здрави заби за цел живот 

Тоа не треба да е само мечтаење, туку ЦЕЛ кон која треба секој да се стреми. Тоа би се постигнало со два пати дневно миење на забите, користење конци за заби, правилно хранење и редовно професионално чистење на забите кај стоматолог.

Професионалното чистење на забите е манипулација која се изведува од вашиот стоматолог и вклучува отстранување на сите меки и тврди наслаги на забите. Манипулацијата се извршува со ултразвучни апарати, рачни инструменти, полирање со гумичка, четка и паста. Стремежот за отстранување на наслагите и забниот камен постои поради тоа што тие се основните фактори за пародонтопатии.

Грижата за забите резултира со: здрави непца, пријатен здив, бели заби и блескава насмевка. 

д-р Фросина Дајо

доктор по општа стоматологија