/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Јаболко/круша со корнфлекс и мед 

(8+ месеци)

Потребни состојки:

1 јаболко со средна големина
половина филџан корнфлекс
половина лажиче мед

Подготовка:
Јаболкото го лупиме, сецкаме и вариме, или динстаме на пареа се додека не омекне убаво. Во садот го додаваме медот и корнфлексот па се заедно блендираме. Чекаме да се олади. Слатко!

Компир со јајце и маслинки 

(7+месеци)

Потребни состојки:

1 компир со средна големина
1 јајце-само жолчката
3-4 маслинки без коска
малку млеко, адаптирано за доенчиња

Подготовка:

Компирот го лупиме, сецкаме и вариме или динстаме на пареа се додека не омекне доволно. Јајцето го вариме околу 10-на минути за да биде тврдо сварено и ја делиме само жолчката. Маслинките ги сецкаме. Потоа месаме се заедно и блендираме, доколку не ја постигнеме саканата густина дотураме од млекото.

Спанаќ со урда 

(8+ месеци)

Потребни состојки:

10-на лисја спанаќ
полупразен филџан ориз
половина изрендан морков
1 супена лажица урда

Подготовка:

Спанаќот го сецкаме ситно и го вариме со оризот и морковот се додека оризот убаво не се свари. Потоа ја цедиме водата доколку има останато и ја додаваме урдата, а доколку вашето малецко сеуште сака кашесто, може и да ја изблендирате смесата.

Пасирани авокадо и банана

(4-6 месеци)

Потребни состојки:

1 Авокадо
Половина банана

Подготовка:

Авокадото нема потреба да се подготвува, едноставно го делиме од кората и го пасираме, а исто и бананата па се заедно промешуваме.