/21 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Детскиот креативен центар при МКЦ е простор каде децата низ разни активности се дружат, низ игра истражуваат и учествуваат во различни креативно-едукативни работилници. Во рамките на ДКЦ работи драмско, ликовно и балетско студио.

Преку различни методи на едукација децата имаат голема слобода во креирањето и развиваат поголемо чувство на самосвест и чувство за другиот, односно групата. Додека работиме на конкретни задачи и теми, истовремено работиме и на создавање на здрави навики и здрава комуникација со средината, поттикнуваме тимска работа преку која се создава взаемно почитување но и постојано преиспитување на сопствените вредности и потреби за надградување.

Преку игра и забава, децата имаат можност да го развиваат својот креативен потенцијал, а истовремено да создаваат нови пријателства, да стекнат нови знаења и најважно од сè, да работат на изградба на сопствената личност.  

Драмското студио на крајот на годината - полугодијата ја прикажува својата работа преку презентација на краен продукт/претстава во зависност од  интересите, можностите и капацитетите на самите деца, кои низ групната работа доѓаат до најсоодветната форма за презентација.

Ослободувањето и поттикнувањето на креативноста и фантазијата, разменувањето/споделувањето на различни перцепции но и на внатрешните доживувања на надворешниот свет, е важно за децата да ја градат својата самодоверба, но истовремено да го прифатат и другиот/различниот, да се ослободат од наметнатите стереотипи и предрасуди и слободно да ја развиваат сопствената личност.