/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Децата, кои спијат во ист кревет со родителите, имаат пет пати поголем ризик за ненадејна смрт во колевка, за разлика од оние кои спијат во својот кревет.

Синдромот на ненадејна смрт (СИДС) е најзачестен меѓу вториот и четвртиот месец од животот на бебето, а ризикот не зависи од социјалниот или економскиот статус на родителите, како ниту од нивниот животен стил и пороците, покажа студијата на британската Школа за медицина во Лондон.

Претходните истражувања покажаа дека ризикот е поголем ако родителите се пушачи, но оваа студија откри дека ризикот не е поврзан со пушењето или алкохолот.

- Ова е најголема студија на таа тема и доказ дека самостојното спиење е значително поздрав избор за детето, изјави лидерот на студијата, професорот Роб Карпентер.

Синдромот, кој уште се нарекува и смрт во колевка, во 80 отсто од случаите може да се спречи доколку бебето се постави на грб и тоа во сопственото креветче.

Некои земји како САД и Холандија ги советуваат родителите детето да не спие со нив во првите три месеци од животот, но таа пракса не е вообичаена во остатокот од Европа.