/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Мојот син наполни 4 години овој месец. Сигурна сум дека секое семејство ги сака роденденските прослави на децата, но мојот сопруг и јас чувствуваме бескрајна благодарност во овој перио од годината. Сакаме да потсетиме дека, без разлика какви подароци ќе добие Фин, 9 февруари секогаш ќе биде денот кога ние го добивме најубавиот подарок.

Основањето на семејство воопшто не беше лесно за мене и за Бил. Поминавме низ 6 ИВФ циклуси. Забременив со близнаци, но беа мртвородени откако предвремено добив породилни болки. После тоа имав и спонтан абортус. Тоа беше болно и трауматично време.

Во текот на тој процес научив дека не можам безбедно да ја завршам бременоста. Решени да создадеме семејство, Бил и јас се одлучивме да подараме сурогат мајка. Но, пред да почнеме да бараме потенцијални жени кои на свет ќе го донесат нашето бебе, мојата 60-годишна мајка ми даде неверојатна понуда: Таа да го носи нашето бебе.

Тоа ни дојде како шок, но на крајот јас и Бил го прифативме овој неверојатен подарок. Мојата мајка безбедно ја заврши бременоста до крај и на 61 година стана најстарата жена која родила дете во Илиноис.

Откако одлучив да напишам книга за нашето патешествие, знаев дека еден ден ќе морам да му објаснам на Фин како дојде на овој свет. Имаше еден дел во мене кој ми велеше дека не треба да му кажам, бидејќи не сакам да се чувствува абнормално по ниедна основа. Но колку брзо што дојде таа мисла, толку брзо и замина, бидејќи не сакав од никого да кријам тајни.. Сакам да биде раскажано и запомнето чудото по кое Фин дојде на овој свет. Тоа не е нешто што треба да се крие, туку да се слави!

Некои луѓе ја прашуваат мајка ми дали пак би го направила истото за нас, а таа вели: „Никогаш не мислев дека ќе го направам ова, ниту првиот пат, па претпоставувам дека никогаш нема да речам никогаш“.

Така некако се чувствуваме во врска со иднината. Никогаш не мислевме дека на овој начин ќе осниваме семејство, па никој не знае што не чека понатаму.