/11 /11

Секое новороденче нема точно време за спиење, но веќе во 4 и 5 месец време е да формирате рутина за спиење која ќе биде во полза и на бебето и на сите околу него.

Во овие месеци се учи и седењето.Таман си го седнала со 10 перници одоколу и брзаш да завршиш некоја обврска,бебе се настранило,така 1000 пати во денот.

Време е и за првото забче. Болен период за бебе е вадењето заби. Тогаш се многу нервозни и плачливи,па купуваме 1000 гелови за мачкање и 1000 гумени играчки за во уста, но сепак тоа пак го одбира тоа што не смее да го става.

Откако ќе излезе првото забче, тој што го видел купува нешто бело за подарок на бебе. Дома мама прави или нарачува слатки колачиња во форма на забче, па торта, а во наше време тоа поминуваше и со сутлијаш.

Во овие месеци се започнува и исхраната.
Првиот чекор е испробување на вкусови. Воопшто немате појма со што и како да започнете.
Гуглате по форуми, групи и апликации. Се консултирате и со педијатар. Некој вика се започнува со овошје, друг вика се започнува со зеленчук. Или сте решиле да давате купечки кашички. Се започнува со морков, јаболка, модра слива, круша итн.
Се дава 3 дена од иста намирница, за да може да се види дали бебе ќе покаже алергиска реакција. Откако ќе има испробано повеќе намирници, вториот и третиот ден веќе може да се комбинира новата намирница со веќе испробана намирница. Зеленчукот и овошјето до првата година треба да бидат термички обработени.
Првото хранење, ако може така да се нарече обично изгледа повеќе мачкање со храна, бидејќи бебе има повеќе храна околу устата отколку во устата.

Се започнува со 2,3 лажички па постепено се зголемува количината. Откако бебе ќе изеде 100-150 грама кашичка, веќе е подготвено за прв оброк. Првиот оброк се дава за време на доручек. Вториот оброк се дава 30-40 дена од започнувањето на првиот оброк.Третиот оброк се дава исто 30-40 дена од давањето на вториот оброк. Вториот оброк се дава за време на ручек, третиот за време на вечера. Сето ова горе напишаното не ви е познато, па често се прашувате дали бебе сака уште, или да не сте му дале повеќе од што треба.1000 Прашања кои не мачат. Со воведувањето цврста храна се намалуваат подоите, но бебе некогаш и од навика сака да си игра и со цице.

Левел ставање во дубак, џампер и други вакви слични реквизити. Џампер да, дубак не драги мамички. Но, доколку во текот на денот пола саат, саат време нема како да завршите некоја домашна обврска се решавате да го ставите и во дубак. Е тука веќе збогувајте се од чист и неизгребан мебел.

Левел лазење и ставање се и сешто во уста. Како викаат старите, ти требаат два пара очи, едни и на грбот. Во овој период бебе сака да фати и таму каде што не смее, може да иде до места каде што не смее, може да стави во уста нешто што не смее. Добро внимавајте, но не го ставајте бебето во стаклено ѕвоно.

View this post on Instagram

A post shared by (@mamamegi)