Swordfish
|
Со среќа новата тема, па да се надеваме дека и другите како мене ќе си ги кажат своите маки во врска со оваа непријатна болест.
Како прво јас сакам да си кажам за мене дека оваа болест ја имам цели 5 години и сеуште не сум нашол ама баш никаков лек за неа. Од еден хрватски форум, поточно од форумот на веб-сајтот на Belupo(фирма за лекарства) имам прочитано дека за псоријазата постои Turn On, но никогаш Turn Off. За жал тоа Turn Off јас сеуште не сум го почуствувал. За активирање на псоријазата постои само една причина, а тоа се стресот и нервозата. Првпат кога ја забележав болеста(значи пред 5 години) отидов во болницата во мојот град и бев онака лаички прегледан колко да ми пројде редот. Од нив ми беше препорачано Синодерм(гел), Асквам(лосион на база на прополис) и уште еден маст за кој сега не се сеќавам, но кој и да бил сето тоа не ми помогна. Таа терапија ми траеше 3 месеци и кога видов дека нема аир од неа почнав да одам по скопските болници(државна, воена) кај тогашните дерматолози. И од нив добивав терапии, но повторно немаше поголеми подобрувања, освен повремено кога се мачкам со дадените мастови. Така поминаа 3 години од моето патење со болеста. Тогаш ми го препорачаа и д-р Дохчев. Јас лично го посетив него пред 2 год. и ми даде 2 маста за кои дадов 1 200 ден. и од нив не видов ама баш никакво подобрување, а башка тоа на излегување ми рече Господ да ти е на помош. Јас си помислив во себе: ,,Од тебе докторе барам помош, а не од некој друг". После него посетував разни луѓе со исцелителна моќ (за кои не смеело да се зборува за да ти дејствува тоа нивното баење), посетував извор со незнам каква лековитост и пак си останаа тие црвени на кожата. И конечно минатата година разбрав за една докторка која имала магистрирано во Белград на оваа проблематика и ми помогна со една екстремно голема терапија и дојдов до стадуим да не ми се ни познава дека некогаш сум имал псоријаза. Таа терапија беше следна:
1. За главата--> лосион Белосалик(лосион) и шампон Ораназол, а може и Кетоконазол и Реконазол(тоа се исти шампони но правени од различни фирми)
2,За кожата по телото-->прва недела=Белосалик(маст) по два пати на ден(овој маст е кортикостероид и негово користење е ограничено на 21 ден, бидејќи предизвикува на некој начин вештачко стареење на кожата но тоа не е страшно ќе ви наведам подоцна за тоа;
---->втора недела=Белосалик(маст) и Бутавате(маст) се мачка наизменично: еднаш белосалик, еднаш бутаватe;
---->трета недела=се користат претходните два и плус еден маст кој не се продава готов туку таа докторката ми напиша рецепт и со него се оди на пр. во зегин, реплекс фарм и сл, такви да го изработат бидејќи е на природна база. Е сега тука имаше еден редослед на мачкање за кое сега не ми текнува но знам дека траеше доста долго.
И да ја комплетирам оваа терапија со: пиење на апчиња Рифатин(за нив може да го прашате дерматологот кој што ви ја лекува псоријазата) и внесување на јас би рекол претерано големи количини на витамините А и Д (и секаков вид на нивни деривати, кои го успоруваат вештачкото стареење од кортикостероидот во Белосалик). Јас за да го внесам витаминот Д бев приморан да се сончам на терасата од мојот стан(зашто нели Сонцето е најголем и бесплатен извор на витамин Д) и лежев во када полна со готварска сол за да биде како да сум бил на море.
И после оваа терапија на мојата кожа од тие црвените останаа (искрено јас се радував како мало дете на играчка  )едни белини по кожата за кои докторката ми рече дека е ред да одиш на вистинско море и со сончање ке се израмнат со останатиот непсоријатичен дел од кожата. Со тоа терапијата од неа заврши и започна терапијата на природата во Бугарија на Црно Море. Како ми проаѓаа деновите на море тие белини забрзано исчезнуваа. После 10тина дена на сонце и морска сол на мојата кожа немаше ни П од псоријаза и останатите денови од одморот ми поминаа како да сум во рајот среќен што себе си се гледав во нов ,,дизајн". По враќањето од одморот отидов кај докторката со еден поклон(бидејќи заслужуваше после 4 години мачење маки со болеста таа ја најде формулата) и ми рече дека е супер, но за жал да очекувам наесен кога ќе се менува времето нивно повторно враќање и тогаш задолжително да се појавам кај неа со цел, како што рече таа, да ја исечеме во корен. Но таа есен јас појдов на факултет, почнаа нервози и стресови и наеднаш на мојата кожа како да експлодира бомба. Но секојдневните обврски околу факултетот, и секако морам да признаам моето невнимание и на некој начин немање волја за да се борам повторно со неа ја оставив таква како што е. И сега повторно сум под таа истата терапија, повторно ми помага и секако исто тоа ме очекува и ова лето па здравје до наесен за нови проблеми.
Можеби некој ќе се праша зошто сончање на тераса и легање во када со сол, па и за тоа ќе ви објаснам: минатата година, точно сега овие денови за прв пат беше спроведена државната матура, и која јас имав среќа да ја полагам, а тоа наложуваше седење дома и учење. Но не е само тоа, секако дека мора да се оди на контроли кај докторот, постојано купување на лекарства и помош од домашните кога треба да се мачка(јас ја имав псоријазата низ целиот грб и мора некој да биде до мене за да мачка на грбот,бидејќи сам нели не можеш да го направиш тоа но и на главата). Тоа ќе биде мојата историја за оваа болест, напишав толку многу со мисла дека некој можеби ќе се пронајде и ќе го упатам кон успешна терапија. И јас лично би ви препорачал не одете кај луѓе што велат дека имаат лек за оваа болест бидејќи само им ги полните џебовите. Моите дома беа спремни да дадат се што имаме за да јас се излечам, но факт е дека оваа не се лечи. туку само треба трпение и јака волја за да се контролира истата. Ве советувам да посетувате доктори кои имаат знаење и професионално досие за болеста.
И секако можете да ми пратите порака ако сте заинтересирани за докторката која ми ја направи терапијата, и ќе ми биде задоволство да ви помогнам да појдете кај неа. Но да ве запознаам со тоа дека таа се наоѓа во Куманово.
Поздрав до сите и имајте сила за борење со болеста, бидејќи ЖИВОТОТ Е БОРБА!!
|
Рингераја.мк користи "колачиња" за обезбедување подобро корисничко искуство, следење на посетеноста и приказ на огласи. Поставките за прифаќање на колачињата ги прилагодувате во вашиот пребарувач.
Дознајте повеќе.
Испечати
.jpg){kind=small}
за твојата макотрпна борба.Воопшто не е лесно да си толку млад, а со толку проблеми и стресови на глава.Но добро е што и самиот си сватил дека животот е борба, од која можеш да излезеш како победник.Затоа овој пат послушај се што ќе ти рече др. главата горе, насмевката на лице и почнува твојот нов живот.Откажување нема и она што во моментот ти посакувам е во најскоро време да ни пишеш борбата е добиена.И сврати ни пак, има и за вас младите убави совети.А нормално и ние од вас можеме многу да научиме
