Така нестрпливо го чекате предвидениот датум за породување, а најава за овој ден кој се приближува нема и нема. Околу 40 % од трудниците се породуваат по предвидениот термин за породување. Причини за тоа има многу. Една од најчестите е погрешно одредена должина на траење на бременоста. И покрај ултразвучните прегледи кои прецизно го одредуваат датумот за породување и тоа – 2 до + 3 дена разлика меѓу должината на фетусот и вистинското траење на бременоста. Кај повеќето трудници кои кои ќе го надминат денот Д веројатно уште не настапил вистинскиот, односно природниот ден за породување. Нека не ве загрижува тоа. Ако редовно, два пати неделно го посетувате гинекологот (односно според неговата проценка и секој втор ден), забележувате дека плодот мрда (сеуште треба да има барем 10 движења), имате низок крвен притисок и добри резултати од мокрачата, сеуште сте безбедни. Гинекологот ќе се потруди да ја процени количината на плодовата вода со ултразвучен преглед или поточно ќе ја одреди состојбата на фетусот. Ако количината на плодовата вода е намалена или отчукувањата на срцето на фетусот на ЦТГ веќе не се така различни, во породилиштето вештачки ќе го забрзаат почетокот на породувањето.

>>  Плод во 41. недела
>>  Тато во 41. недела