Плодот е сега приближно голем 25 см, а тежок околу 300 грама. Освен коса, сега почнуваат да растат веѓите и трепките. Целото тело и лице е прекриено со нежни влакненца кои кај повеќето бебиња паѓаат пред нивното раѓање. На девојчињата оваа недела почнува да им се развива матката, а потоа на ред доаѓа и вагиналниот канал.

Плодот реагира на допир, а вие веќе редовно ги чувствувате неговите движења. Уживајте во нежните движења, бидејќи за неколку недели тоа ќе станат силни удирања, достојни за секој фудбалер.

Веќе можете да ги следите фазите кога плодот е буден или кога спие, а приближно истиот ритам на будност и спиење ќе го има и како новороденче.

Интересно е што плодот најмногу мрда кога вие одмарате, обично навечер. Кој знае, можеби уште од сега ве подготвува за тоа кој ќе го има главниот збор во куќата.

>>  Мама во 20. недела
>>  Тато во 20. недела