Бременоста напредува со неверојатна брзина! Матката расте и сега е голема како грејпфрут. А кога сме веќе кај грејпфрутот, дали денес јадевте некоја витаминска ужина? Не заборавајте дека здравата исхрана се уште е на прво место!

Хормоните се смируваат и резултат е подобриот изглед на кожата, а пред се мачнините се губат. Јуху! И одењето во тоалет се уште е во граници на нормалата, а големиот замор кој ги мачеше некои мамички исто така се изгуби. За жал, цревата се уште се полни, затоа варењето е многу бавно. Не заборавајте на чаша вода секое утро и на исхрана која содржи многу влакна. Стоп на белиот леб, крофните и слатките тортици кои дополнително го отежнуваат метаболизмот на трудниците. Со влакната можете најдобро да го подобрите варењето.

Во овој период кај некои трудници се јавува таканаречената linea negra, темна вертикална линија која се протега од врвот на стомакот до срамната коска. Настанува како резултат на зголменото дејство на естрогенот врз меланоцитите, клетки кои го произведуваат кожниот пигмент – меланин. Темната линија по породувањето се губи. Некои трудници приметуваат дека и жилите на градите стануваат се поизразени и брадавиците потемни. Сето тоа е дел од подготовката на градите за доење.

За подготовка на млекото ќе се погрижат: естрогенот, прогестеронот, окситоцинот и пролактинот. Градите се зголемуваат и поради развој на нови млечни патишта (поради кои можат да се појават плави вени), а освен тоа во нив дотекува и повеќе крв. На некои идни мајки од брадавиците веќе им тече бистра течност.

Тоа е колострум, прв облик на млекото и дополнителен показател дека градите се подготвуваат за хранење на новороденчето.

>>  Плод во 14. недела
>>  Тато во 14. недела